獵狐行動
獵狐2014專項行動（簡稱獵狐2014）係由中華人民共和國公安部部署，用監視，恐嚇，脅迫等手段，喺海外執行嘅追捕逃亡到境外（包括香港、澳門）嘅中共貪官嘅行動[1][2] [3]。獵狐從字面解做「逮捕狐狸」，將中共貪官比喻做狐狸。新華社報道呢個行動自2014年7月22號起到年底結束[4]，但亦有其他證據表明：去到2015年8月，獵狐行動不單止未完，仲延伸到其他國家；事件引起美國政府關注，而且發表聲明，指中國官員喺美國跨境執法前，必須事先知會美國[5]。
方式
[編輯]中國政府會搵一啲當地華人做代理人，用監視、恐嚇同脅迫屋企人嘅方式，逼佢哋返中國受審。例如，一個2010年抵達美國居於新澤西州嘅前中國政府人員，就曾經喺自己屋企收到簡體中文字條，威脅佢返國坐十年監，換佢老婆同個女嘅安全[6]。
成效
[編輯]根據公安部嘅數字，獵狐行動去到2019年上半年追捕咗4900幾名在逃人員，起返170多億元人民幣嘅贓款[6]。
主要涉及國家同埋佢哋嘅反應
[編輯]中國內地一啲媒體話，美國、加拿大、澳洲係中國貪官隱藏排名前三位嘅國家，並且出現咗中國特色嘅「貪官腐敗子女村」[7][8]。
。美國
[編輯]喺2020年10月，美國司法部起訴咗八人，包括七名華人同一名美國私家偵探，懷疑佢哋做咗中國政府嘅非法代理人，參與獵狐行動。美國官員又話，獵狐行動表面上協助北京追捕逃亡到海外嘅涉貪官員，實際上用嚟打壓異己[6]。
參考
[編輯]- ↑ 〈公安部部署开展"猎狐2014"缉捕在逃境外经济犯罪嫌疑人专项行动〉 (簡體中文)。中华人民共和国公安部。原著喺2016-03-04歸檔。
- ↑ 〈美起訴八人涉參與獵狐行動 脅迫當地中國人回國受審〉。《Now 新聞》 (香港中文)。喺2020-10-29搵到。
- ↑ 〈公安部部署集中开展"猎狐2014" 专项行动〉 (簡體中文)。凤凰网。
- ↑ 〈公安部部署"猎狐2014"缉捕行动剑指在逃境外经济犯罪嫌疑人〉 (簡體中文)。新华网。原著喺2015-09-24歸檔。
- ↑ 〈【禁聞】中美添爭議：「獵狐行動」在美國〉 (繁體中文)。2015-08-18。喺2015-09-15搵到。
- ↑ 6.0 6.1 6.2 〈美起訴八人涉參與獵狐行動 脅迫當地中國人回國受審〉。《Now 新聞》 (香港中文)。喺2020-10-29搵到。
- ↑ 〈美加澳成中国外逃贪官首选地 藏匿地现腐败子女村〉 (簡體中文)。中国网。原著喺2020年11月1號歸檔。喺2020年10月29號搵到。
- ↑ 〈美加澳形成中国腐败子女村 贪官海外别墅曝光〉 (簡體中文)。新浪网。原著喺2016-03-04歸檔。喺2020-10-29搵到。