玉兔號

 玉兔號（粵拼：juk6 tou3 hou6） （簡化字：玉兔号；Jade Rabbit）係一個機械人月亮探測器，佢係中國嫦娥三號登月任務一部分。佢個名係喺中國嘅一個網上民意調查中畀揀出嚟嘅。玉兔嚟自一個古老嘅中國神話故仔，關於擁有寵物兔仔嘅農神嫦娥嘅故仔。

佢嚮2013年12月1號17:30（UTC）發射，並嚮2013年12月14號到月球表面。今次任務係自1976年以嚟首次喺月亮上軟著陸，亦係自1973年5月11號蘇聯月神2號結束運作以嚟首架喺月亮上運行嘅月光車。

月光車喺第一個為期14日嘅月夜之後被叫醒。喺2014年1月25號第二個月日就嚟完嗰時運作出現異常。雖然佢喺之後幾個月繼續有收集有用嘅資訊，但異常情況都重未完。2015年10月，玉兔號破咗月亮車最長運行週期嘅紀錄。2016年7月31號，玉兔號行咗31個月後結束運作，遠超起初預期嘅三個月壽命。