王室情婦

王室情婦係一個非官方稱謂，歷史上用嚟指君主或其繼承人嘅婚外情人，負責提供一定服務，例如性關係或浪漫關係、 陪伴或建言，以換取安全、頭銜、榮譽、同埋宮廷內重要地位。所以，一啲情婦因而獲得大量權力，成為宮庭幕後嘅力量。 王室事實上流行以政治同埋家世考量而進行聯姻，令君主喺擇偶方面只有唔大嘅選擇空間。

王室情婦呢個頭銜從來都唔係正式嘅，同埋大部份情婦都有正式原因而留喺宮庭入面，例如作為王室室女成員嘅女侍從或伴娘，或王室子弟嘅監護人。但係佢哋嘅真正地位通常係公開嘅秘密， 同埋正式同非正式嘅政治權力之間，喺早期嘅法國宮庭係冇真正嘅分野 從十五世紀以嚟，喺日漸強大嘅法國，首席情婦獲得一個非正式嘅頭銜「官方情婦」（法文：maîtresse-en-titre)，連同獲得喺宮殿內嘅住宅。一個首席情婦有時會被叫做「公開嘅情婦」（法文：maîtresse déclarée）。一個未被認識，較低影響力嘅王室情人會被認為係「小情人」（法文：petite maîtresse）。