王導

王導

王導（276年—339年9月7號），字茂弘，琅邪臨沂（今山東省臨沂縣）人，係東晉初年權臣，歷仕晉元帝、晉明帝同晉成帝祖孫三代。

佢同堂兄王敦同埋佢嘅家族跟住晉元帝南渡，重積極聯結南方士族以支持晉室，又團結北方僑姓氏族，畀晉元帝得以响南方立足，並且响西晉亡後，建立東晉。後尾王敦發起叛亂，史稱王敦之亂，但王導仍然支持晉室，直到亂事平定，後身居高位，續獲晉明帝、晉成帝同埋朝中大臣倚重，死後諡號文獻，世人叫佢做王文獻。