珊瑚海群島同性戀王國

彩虹旗

珊瑚海群島同性戀王國（Gay and Lesbian Kingdom of the Coral Sea Islands）喺2004年6月14號由一班志同道合嘅同性戀者喺澳洲昆士蘭省嘅無人島珊瑚海群島上面，建立屬於同性戀者嘅蚊型「國家」。佢哋嘅國旗就係佢哋同性戀者組織嘅彩虹旗。佢哋同（荷蘭、比利時、西班牙、加拿大）一樣都係贊成同性婚姻合法化嘅「國家」。同性戀者簡直視嗰度係天堂。珊瑚海群島同性戀王國政體係行君主立憲制。國家通貨係使用歐元。

到而家冇任何國家承認珊瑚海群島同性戀王國，島上亦都冇人長住。王國嘅網站話，旅遊業、捉魚、賣明信片係爾個國家唯一嘅經濟活動。

2017年11月17號，喺澳洲通過咗同性婚姻合法化之後，國王宣佈解散王國。