珍葛雷（Lady Jane Grey，1537年10月12號—1554年2月12號）係英倫女王，1553年7月10號到7月19號在位。
佢係亨利七世嘅外曾孫女。1553年愛德華六世駕崩前繞過第三繼承法，另立一套王位繼承規則，指明由珍葛雷繼承王位，而飛起佢兩個家姐瑪麗同埋伊利沙伯。不過珍葛雷繼位之後，得唔到支持，最後做得九日女王就被廢，瑪麗成為瑪麗一世。
之後珍葛雷曾經獲赦免謀反罪。但後來由於佢阿爸、第一代沙福公爵亨利葛雷喺1554年懷亞特起事有帶頭角色，珍葛雷同埋佢老公1554年2月12號喺倫敦塔被斬頭。
