班哲文·威爾遜 (畫家)

班哲文·威爾遜嘅自畫像

班哲文·威爾遜（1712年6月21號—），係位英國畫家、版畫師同埋佢都係位自然哲學家。[1]

生活

班哲文·威爾遜係梅杰·威爾遜嘅第十四個仔女。梅杰·威爾遜係位喺英國約克富有嘅服裝商，佢間屋係由一位法國畫家詹姆斯·帕門蒂爾裝飾嘅。班哲文·威爾遜嘅爸爸喺生意上失敗咗之後，班哲文·威爾遜就由約克搬咗去倫敦。倫敦係班哲文·威爾遜成為咗法律文員嘅地方，同埋佢都喺倫敦見到英國畫家威廉浩嘉呼，並喺嘅鼓勵下，開始咗學畫畫。喺1746年嘅其中兩個星期、同埋1748年到1750年搬咗去都柏林住。呢段時間，佢都喺都柏林度成為咗位肖像像畫家同埋一位電氣科學家。喺佢搬返去倫敦之後，佢就喺戈弗雷·内勒爵士喺倫敦大皇后街嘅舊居度住，同埋佢建立咗一個利潤豐厚嘅肖像畫工作室，並同英國畫家約書亞·雷諾茲競爭。後尾佢被人介紹咗俾非常之賞識佢嘅愛德華親王（約克同奧爾巴尼公爵）。愛德華親王請咗佢嚟管理佢喺倫敦嘅一個私人劇院，同埋喺1773年威爾遜畀任命為英國軍械委員會嘅畫家。

班哲文·威爾遜都係位科學家。雖然身為科學家嘅佢係反對富蘭克林關於正電同陰電嘅理論，但係佢卻係非常之支持牛頓提出嘅引力透鏡效應。

班哲文·威爾遜都試過增加光強同埋固體發光物體嘅持續時間。佢係第一個覺得金屬雜質會影響到發光顏色嘅科學家。佢用咗蠔嘅殼證明佢講嘢係啱嘅，但係因為污染太大嘅緣故，所以佢冇辦法得出結論。[2]

班哲文·威爾遜做得最好嘅實驗係關於電氣石嘅電氣特性。呢個實驗令到佢獲得咗國際認可，包括幾間歐洲科學院院士選舉資格。喺1751年，佢經已被獲選做其中一位皇家學院院士，同埋佢喺1760年，因為佢做咗關於電氣石嘅實驗，所以佢攞咗科普利獎章。[3] 英國畫家李察·布朗普頓係班哲文·威爾遜嘅其中一位學生。

出面連結同參考

• Benjamin Wilson online (ArtCyclopedia)
• Portrait of Arthur Macro (The Art Fund)