班達拉納克夫人

出自維基百科,自由嘅百科全書
Jump to navigation Jump to search
Sirimavo Ratwatte Dias Bandaranayaka (1916-2000) (Hon.Sirimavo Bandaranaike with Hon.Lalith Athulathmudali Crop).jpg

班達拉納克夫人1916年4月17號2000年10月10號)係斯里蘭卡政治人,先後做過三次錫蘭/斯里蘭卡總理。

生平[編輯]

1959年擔任總理嘅老公所羅門·班達拉納克遇刺身亡後,渠喺1960年5月當選斯里蘭卡自由黨主席。自由黨於同年7月嘅大選獲勝後,渠出任世界上第一位女總理以至民選領袖,亦係現代民主國家中,首位具有實權嘅女性領導人。

1964年2月,渠同周恩來簽署中錫聯合聲明

之後佢喺1965年3月嘅大選輸咗而下野。1970年5月再次上臺,任內帶領國家修憲,廢除由英王擔任錫蘭女王嘅君主制,國家元首一職改由總統擔任;又改國號,由錫蘭自治領改做斯里蘭卡民主社會主義共和國;認可佛教嘅超然地位,同時確保不同宗教獲得同等保障。1977年7月喺大選中落敗而第二度落臺。

1994年自己個女庫馬拉通加夫人贏咗總統選舉,成為斯里蘭卡首位女總統。班達拉納克夫人喺同年11月14號被庫馬拉通加夫人任命為總理。雖然呢個職位已經變成無實權,但渠依然透過呢個職位發揮影響力,至2000年8月因健康問題離職。兩個月後因心臟病逝世。