璩美鳳光碟事件

出自維基百科,自由嘅百科全書

璩美鳳光碟事件係指臺灣傳媒人璩美鳳喺2001年同已婚電腦工程師曾仲銘發展婚外情,被密友郭玉鈴拍下性愛光碟嘅事件。佢哋嘅婚外情當時除咗被《獨家報導周刊》喺12月報導外[1][2],性愛光碟亦被大量複製隨雜誌附贈[3]。光碟入面,璩美鳳除咗同曾仲銘上床做愛之外,亦有同友人周志偉(之後加入國民黨)做愛嘅畫面[4]

事件當時令璩美鳳身敗名裂[5],而且海外亦有所關注[6][2],亦引起台灣有關新聞自由尺度同埋界限嘅爭議[7]

由於光碟內容涉及璩美鳳私隱,璩美鳳一狀告上法院,官司糾纏幾年之後,獨家報導發行人沈嶸(創辦人沈野個女)被依「妨礙秘密罪」判處有期徒刑兩年[8]

事態發展[編輯]

被偷拍來由[編輯]

2001年,璩美鳳喺擔任新竹市文化局長,同新竹巿長蔡仁堅曾經係情侶[9],但璩嘅好友郭玉鈴不滿佢劈腿,加上兩人嘅財務糾紛,於是郭玉鈴指使徵信業者喺璩美鳳新北巿淡水海悅大樓屋企裝針孔攝影機偷拍,結果影低璩與曾仲銘、周志偉嘅性愛畫面。郭事後向媒體兜售,《獨家報導周刊》買咗段片,之後報導事件[4]

影片曝光[編輯]

喺影片曝光後,璩美鳳喺一個星期後(12月15號)公開露面向公眾道歉,又話郭玉鈴喺度推卸責任,希望法官能從重量刑[1]。而周志偉當時就趕住寫博士論文,所以無回應到事件,對於影響家人感到抱歉[4]

另外,璩美鳳喺2002年又出版咗《璩美鳳懺情錄》講述事件[4]

司法處理[編輯]

之後,璩美鳳對包括蔡仁堅、郭玉鈴、獨家報導創辦人沈野、發行人沈嶸等十一名被告提出高達一億元嘅民事賠償[10][11]。另外,璩蔡二人亦喺檢察官面前進行對質,璩指控蔡仁堅帶郭玉鈴去搵人裝針孔,話蔡仁堅係主謀,但蔡仁堅否認[12]。璩美鳳後來對蔡撤告[9]

2006年6月,台北地方法院作出判決,郭玉玲要賠償璩美鳳259萬元[13]

2007年3月,獨家報導發行人沈嶸被依「妨礙秘密罪」判處有期徒刑兩年定讞,2007年3月入獄[8]

璩美鳳、沈嶸和解[編輯]

2008年2月,身為澳門澳亞電視台主播嘅璩美鳳返台,迎接刑滿嘅沈嶸出獄,而且仲要帶埋澳亞嘅記者採訪,再次成為傳媒焦點[14][15]

後續事件同影響[編輯]

公主性愛光碟事件[編輯]

2002年2月,台灣《壹週刊》報道「公主性愛光碟」事件,但因為《獨家報導》喺璩美鳳光碟事件被重罰,所以好多傳媒都唔敢輕舉妄動[16]

女事主多年後提起事件[編輯]

喺2019年,璩美鳳主持網上節目《別跟我談美得》,提到呢次事件,話自己原諒咗陷害佢嘅人,但仲未走出當時嘅陰影。佢又提到事件爆發後,佢無咗自尊亦無咗自我,冇辦法相信任何一個人[3]

男主角去向[編輯]

曾仲銘後來成為手遊業者隆中網路董事長,周志偉成為淡江大學全球政治經濟學系助理教授並且喺2016年擔任國民黨文傳會主委[4]

睇埋[編輯]

參考[編輯]

  1. 1.0 1.1 . (中文). 喺2022-04-09搵到.{{cite web}}: CS1 maint: url-status (link)
  2. 2.0 2.1 中時新聞網. 美鳳昔遭偷拍愛光碟小三毀前途 54歲近況曝光 - 娛樂. (中文). 喺2022-04-09搵到.
  3. 3.0 3.1 愛光碟事件20年 璩美鳳回憶心路歷程:至今都走不出來. 週刊 Mirror Media (繁體中文). 2019-07-23. 喺2022-04-09搵到.
  4. 4.0 4.1 4.2 4.3 4.4 美鳳性愛光碟男主角 將掌國民黨要職. (香港中文). 2016-04-14. 喺2022-04-09搵到.
  5. 李郁青. 立政治大學新聞學系博士論文 論傳媒外部性及其政治:檢視週刊.
  6. 聯合新聞網 (2021-12-07). 殘虐影像 向暗黑惡勢力說不 | 聯合新聞網:最懂你的新聞網站. (中文). 喺2022-04-09搵到.{{cite web}}: CS1 maint: url-status (link)
  7. 美鳳事件獨家報導的技術性錯誤 - 動腦Brain.com.tw|行銷.廣告.傳播.創意數位平台. www.brain.com.tw (英文). 喺2022-04-09搵到.
  8. 8.0 8.1 碟案判兩年 沈嶸入獄服刑. (中文). 喺2022-04-09搵到.{{cite web}}: CS1 maint: url-status (link)
  9. 9.0 9.1 自由時報電子報 (2014-03-29). 檔案仁堅與璩美鳳 - 地方. (中文). 喺2022-04-09搵到.
  10. 拍光碟案 璩美鳳求償一億元. (中文). 喺2022-04-09搵到.{{cite web}}: CS1 maint: url-status (link)
  11. 中時新聞網. 美鳳昔遭偷拍愛光碟小三毀前途 54歲近況曝光 - 娛樂. (中文). 喺2022-04-09搵到.
  12. 蔡對質 蔡仁堅否認是主謀. (中文). 喺2022-04-09搵到.{{cite web}}: CS1 maint: url-status (link)
  13. 碟判決案 郭玉玲須賠璩美鳳259萬. (中文). 喺2022-04-09搵到.{{cite web}}: CS1 maint: url-status (link)
  14. 沈嶸和解 璩美鳳又成焦點. (中文). 喺2022-04-09搵到.{{cite web}}: CS1 maint: url-status (link)
  15. 恩仇! 璩美鳳接沈嶸出獄. (中文). 喺2022-04-09搵到.{{cite web}}: CS1 maint: url-status (link)
  16. . . 2002-03-01.{{cite news}}: CS1 maint: url-status (link)
  17. 娛樂星聞 (2021-10-05). 民男神被騙拍全裸三級片!內褲出場心死:怎會走到這一步 | 娛樂星聞. star.setn.com (繁體中文). 喺2022-04-09搵到.