申花聯城合併

出自維基百科,自由嘅百科全書

申花聯城合併係發生喺2007年2月,中國足球超級聯賽開賽前嘅一次大事。上海申花足球俱樂部同埋上海聯城足球俱樂部兩間中超足球會,通過收購形式合併做上海申花一間,上海聯城自此不復存在。

概況[編輯]

2007年初,足壇出現咗上海聯城擁有者、著名商業家朱駿準備出資收購上海申花嘅消息。之後兩間足球會發出合併公示,聯城重正式向中超聯賽委員會提出退出參加跟住落嚟嘅2007賽季比賽嘅申請,到2月10號中國足協同中超聯賽委員會收唔到反對意見,正式批准雙方合併。

人員[編輯]

原申花嘅投資方被收購後,退出咗新足球會,而原本上海聯城嘅擁有者朱駿就做咗新申花嘅主席。聯城嘅主教練吉梅內斯做咗新申花嘅主教練,原申花嘅主帥吳金貴最初被派去海外進修,不過賽季後期最終接替咗吉梅內斯嘅位置。

影響[編輯]

由於兩支足球會原本都係中超球隊,雙方陣容本來就相對完整,合併造成新申花人員嚴重過剩,球隊被外界戲稱為「魔獸」。而好多原本兩隊嘅球員就因此陷入冇波踢嘅境地,而且由於已經錯過咗中國足球轉會嘅期限,大多數都唔能夠喺嗰個賽季轉會。於是好多原本已經入咗一線隊嘅球員,又俾人放返預備隊。賽季中期,申花重將一部分球員外借到新加坡聯賽遼寧廣原

喺2008年季前轉會時,申花一口氣將47名球員掛牌,係多年中國足球轉會之最。最後其中十幾名球員搵到租借或者轉會嘅目標,略為舒緩足球會人員過剩嘅情況。

足球會合併之後,朱駿選擇將原本上海聯城嘅參賽資格直接註銷,而冇轉讓畀據聞出價1200萬嘅重慶力帆,成為中國足壇極少見嘅直接解散頂級足球會嘅事例[1]

參考[編輯]

  1. 帆1200萬求購聯城 朱駿"自殺"式註銷俱樂部. 搜狐體育. 2007-02-12. 喺2009-01-06搵到.

睇埋[編輯]

連出去[編輯]