申訴專員

申訴專員（ombudsman）指一個由政府（無限定係行政定係議會）任命嘅官員，代表公眾利益去調查由市民畀佢有關行政嘅投訴，並嘗試作出調解。一般接受投訴嘅範圍包括行政，而唔包括政策制訂同埋議會所態。向申訴專員係唔使畀錢嘅。

申訴專員亦可以由非政府組織或公司去委任，主要係接受使用者，顧客或職員投訴，查吓組織或公司本身有乜行政失誤。

糾正錯誤

如果申訴專員發現投訴成立，即係有行政失誤，佢會要求犯錯部門改過，又或者公開糾正建議。視乎唔同地方嘅法律，政府可能要賠錢。申訴專員通常冇權基於投訴而去告犯錯官員，呢嗰有審裁角色類似古羅馬嘅保民官，傳統上喺民主選舉產生嘅官員擔任審裁。

由申訴專員處理投訴嘅好處係，申訴專員係獨立機關而唔係政府部門成員，亦極冇可能喺離任後入去政府部門度做，避免自我檢討中嘅利益衝突，不過視乎政治制度同人事任命過程，有時申訴專員嘅獨立性會成疑。

申訴專員唔係政府部門人員，就算佢係前任官員，都冇可能對每個政府部門嘅運作都理解得透，所以唔單只專員人選並唔容易，而且要調查有合理進度，點都要得到行政部門配合。因此申訴制度喺唔同國家有唔同嘅效果。