畢士大池邊醫病

畢士大池邊醫病係《聖經》記載耶穌嘅神蹟之一，記載喺《約翰福音》5章2-9節。

聖經譯文

「	喺耶路撒冷，靠近羊門有一個池，希伯來話叫畢士大，池邊有五個柱廊；裏面瞓咗好多病人，有盲眼嘅、跛腳嘅、癱瘓嘅。（有啲古卷加多：佢哋喺嗰度等池水轉動，因為佢哋相信每隔一段時間，主嘅天使落嚟攪動池水，水郁之後，最先落到池嘅病人，無論乜嘢病，都醫得好。）喺嗰度有一個人，病咗三十八年。耶穌睇見佢瞓喺度，知道佢病咗好耐，就問佢：「你想唔想好返呀？」病人答話：「先生，水攪動嘅時候，冇人將我放落池度；當我正想落去嘅時候，已經有人先過我落去。」耶穌對佢話：「起身，拎起你張床行啦！」嗰個人即刻好返，拎起佢張床走咗。	」
——《約翰福音》5章2-9節

概覽

按照猶太人傳統，耶穌係喺五旬節嗰陣上去耶路撒冷，喺畢士大池邊醫好咗一個長期病患者。「畢士大」意思即係「憐恤之家」。聖經細字缺乏其他經文支持，古抄本亦唔一致，「天使」攪動池水，令到佢有醫治能力只係一個傳說，但係上帝嘅仔耶穌卻具有真正嘅醫治能力。佢聽到有個癱瘓嘅人講出自己嘅難處，睇出佢有悔罪嘅心，就醫好佢，亦勸勉佢重整生命。