白羅斯國徽

1995年公投後嘅白俄羅斯徽

白俄羅斯國徽（白俄羅斯文：Дзяржаўны герб Рэспублікі Беларусь、俄文：Государственный герб Республики Беларусь）響1995年白俄羅斯全民公投通過後被人開始用，取代咗原有嘅柏康里亞徽號。國徽上面嘅彩帶圖案用咗同白俄羅斯國旗一樣嘅顏色，另外又有白俄羅斯版圖、小麥穗同埋紅色五角星等圖案。白俄羅斯國徽有時畀人叫做「白俄羅斯紋章」，不過因為國徽無咗一啲紋章學嘅元素，所以呢個係唔正確嘅稱呼。而家嘅國徽受到白俄羅斯嘅前身，即係白俄羅斯蘇維埃社會主義共和國嘅國徽影響到，兩者都因為咁樣而好似。除咗佢之外，唔少好似馬其頓共和國、塔吉克斯坦、烏茲別克斯坦同埋德涅斯特河地區等等而家用嘅國徽或者徽章，設計上都有前蘇聯時代嘅影子。

描述

響明斯克一座建築上嘅國徽

設計

國徽嘅正中心係白俄羅斯嘅版圖，疊響金色同呈放射狀嘅太陽光上面。

象徵

國徽嘅內容無任何「官方」嘅象徵意義。目前嘅國徽只係用白俄羅斯蘇維埃社會主義共和國國徽嘅樣式做參考。兩者主要嘅差異係蘇聯時代嘅國徽包含咗一啲代表共產主義嘅象徵，而家嘅國徽就冇喇。

相關嘅法例

位於白俄羅斯護照左邊嘅國徽

而家規範白俄羅斯國徽點用嘅法律響2004年7月5日通過咗，規定國徽要響指定嘅地點展示，呢啲地方包括咗白俄羅斯總統嘅官邸、白俄羅斯共和國國民大會議院同中央及地方政府官廳等等。唔單止噉，國徽重可以用響由政府印行嘅文件，當中包括咗白俄羅斯盧布、白俄羅斯護照同官方信頭等。

連出去

• （英文）President of the Republic of Belarus Official description of the National Emblem of Belarus
• （俄文） 2004 Закон о Национальном Символика Республики Беларусь
• （俄文） 1995 Закон о Национальном герб Республики Беларусь
• （俄文） Краткая история белорусской символики
• （俄文） Heraldicum - эмблем Республики Беларусь