白完

白完係安徽嘅蔑稱，將安徽嘅別名「皖」字拆開得來。2011年左右開始，呢個詞喺網上傳開，尤其是上海本地人嘅網絡討論區。據說係因為移居上海嘅安徽人多，但係啲人唔融入本地社會，同上海人成日霎氣，結果引起上海人嘅強烈不滿，「白完」就噉變成安徽人嘅蔑稱^[1]。

呢個詞亦激嬲安徽人，佢哋認為噉係上海人歧視佢哋。有安徽人會借題發揮，拉埋上海嘅城市歷史來講，結論係上海人排外，認為上海人「不配做中國人」（冇份做唐人）。有啲皖籍上海居民針鋒相對，發明「滬鱉」（wu6 bit3）來稱呼上海人。

參考[編輯]