陳獻章
陳獻章（1428年—1500年），字公甫，號實齋，係大明時廣東新會人。因為佢曾經住過白沙村，所以人稱白沙先生，陳白沙。佢係出名理學者。佢時思想以靜為主。
生平
[編輯]苦學志道
[編輯]正統九年（1444年），陳獻章考中廣東鄉試，後生嗰時信奉程朱學派。正統十二年（1447年），佢參加禮部會試，中副榜，入國子監讀書。後來考唔中禮部，來到江西，師從著名學者吳與弼。半年之後返家鄉，困學知變，住喺白沙里，起咗間陽春台苦讀，為咗減少外界嘅干擾，佢屋企人喺牆壁鑿個窿仔，飲食衣物，都喺爾個洞遞進。呢段期間佢唔見客，「窮盡天下古今典籍，旁及釋老稗官小說」，就超脫程朱矩矱，「學宗自然」，同莊子接近。天順八年（1464年），三十九歲後進京，國子監祭酒邢讓好賞識佢，「颺言於朝以為真儒復出，由是名震京師。」
傳道授業
[編輯]成化元年（1465年），陳獻章經過十幾年嘅勤学，静坐冥思，舍繁羅約，把握心同埋理吻合嘅關鍵，爾年春天，决定喺春陽台設館教學（新會圭峰山有白沙講學亭）。教學理論：一，先靜坐，後讀書；二，多自學少灌輸；三、勤思考，取精義；四、重疑問，求真知；五、詩引教，哲入詩。並作咗《戒色歌》、《戒戏歌》、《戒懒文》等幾首詩作為座右銘。「諸弟子，聽訓誨：日就月將莫懶怠。舉筆從頭寫一篇，貼向座右為警誡。」
宦海沉浮
[編輯]成化二年（1466年），陳獻章經順德縣知縣錢溥規勸，趁憲宗試禮施教，整頓朝綱，考取功名，為國家效力。就決定又上京師，重新遊太學。成化五年（1469年），參加戊辰科考，考得副榜（等於備取生），後來喺吏部衙門做個日日做文件、抄書校正、封發遞送嘅低級小吏。之後幾次參加會試，都因奸臣弄權，所以應考失敗。
陳獻章成世清貧，都御史鄧廷纘曾令番禺縣每月送佢米一石，陳拒而不受，重話自己「有田二頃，耕之足矣」。又有按察使，花巨金買園林豪宅送畀佢，佢一樣唔受。
嶺南學派
[編輯]成化十九年（1483年），陳獻章以一篇《乞終養疏》感動咗憲宗，獲准佢返屋企養老母，贈「翰林院檢討」。陳返回故里，一心研究哲理，重振教壇，名聲因此遠播，到處爾學者都來要求做佢弟子。陳獻章教咗十幾年，好多學生得益佢嘅教誨，做朝廷嘅棟樑，爾個就係「嶺南學派」嘅形成。
從祀孔廟
[編輯]弘治十三年（1500年），陳獻章喺家鄉病逝，終年72歲。
萬曆二年（1574年），朝廷下詔喺白沙鄉起家祠，並賜額聯同埋祭文肖像。橫額「崇正堂」，對聯：「道傳孔孟三千載，學紹程朱第一支。」萬曆十二年（1584年），詔令從祀孔廟，諡號文恭。
註
[編輯]- ↑ 屈大均。《廣東新語》。
