皇后山軍營印度廟

皇后山軍營印度廟

皇后山軍營印度廟喺香港新界粉嶺軍地，喺1960年代起，由駐守該營地嘅尼泊爾踞喀兵（Gurkhas）起嘅。1996年之後軍營嘅居喀兵撤走，自此印度廟遭到棄置。

印度廟起喺皇后山軍營裏面嘅一個細山嘅山頂（喺皇后山公營房屋項目三同六期居屋地盤）之上，由多樖榕樹包圍，同營裏面建築物相隔一段距離，環境清幽，並且能夠營造廟宇嘅神聖感。間廟係一棟灰綠色六角形嘅建築物，頂部有六個尖頂，似皇冠狀，由12塊三角形砌成，象徵印度教視為美麗同神聖嘅蓮花，係香港僅有嘅一座蓮花形狀嘅建築。建築物嘅六面，除咗東南方一面外，其餘面面都設有門戶，每度門之上都設有一個小窗。建築物裏面塗上橙色同藍色，其中一個角設有神壇畀崇拜用。

間廟喺2010年1月22號被評為香港三級歷史建築。

而喺皇后山公營房屋發展項目中，喺居屋地盤內嘅印度廟（房委會招標公告中稱為「警官食堂」）將獲保留，並翻修成居屋部分嘅管業處。