皮陶管

空中客車A380嘅皮陶管。

三種常見嘅空速測量工具

皮陶管係一種通過壓強嘅測量不可壓縮流體嘅速度嘅工具。

皮陶管最早係由法國工程師昂希·皮陶（Henri Pitot）喺18世紀發明嘅，後來得到另一位法國工程師昂希·達亞思（Henri Darcy）嘅改進而成為今日恁嘅樣。由於今日最常見嘅用途係測量飛機嘅飛行速度，所以皮陶管又叫做空速管。除此之外，皮陶管重可以測量船嘅航速同管道嘅流體流量等。不過需要指出嘅係：皮陶管測量嘅係物質流當中嘅某一點嘅物質流動速度，而唔係成條物質流裡邊物質流動嘅平均速度。

工作原理

最基本嘅皮陶管有一條直接處於氣流中嘅管道，工作原理係喺條管充有流體之後測量管內外嘅壓強差。由於皮陶管係得一個入口嘅，流體入徂條管裡邊之後會停滯。爾個時候測到嘅壓強係流體嘅滯壓。結合由機身側面嘅靜壓孔測到嘅靜壓，可以通過以下算式計出流體嘅速率。

注意事項

喺飛行接近全自動化嘅今日，皮陶管測到嘅數據對飛行安全極其重要，皮陶管失靈或者被異物堵塞，都有可能導致嚴重意外。以下係幾宗涉及皮陶管嘅空難：

• 阿根廷南方航空2553號班機空難：飛機經過積雨雲導致皮陶管結冰，導致飛行員操作失誤墜機；
• 法國航空447號班機空難：皮陶管結冰加上飛行員操作失誤導致墜機；
• 秘魯航空603號班機空難：皮陶管因維護需要爾被膠布封住，但係時候地面人員唔記得搣走膠布，導致飛機起飛後機上電腦得出相互矛盾嘅指令，最後導致墜機；
• 伯根航空301號班機空難：懷疑係飛機長期停放嘅時候地面人員唔記得用封套套住皮陶管，令到當地嘅一種胡蜂喺皮陶管裡邊起徂個竇，從而阻塞皮陶管，加上飛行員操作失誤，最終墜機。