杯，有時會寫做盃，係用來裝嘢飲嘅盛器，上面開口，一般來講杯身高度係長過杯口直徑，等嘢飲無咁易輕輕搖下就瀉。相反，個口闊係長過身高，多數就叫做碗。有啲唔係用來裝嘢飲，而係裝液體，好似燒杯。有時甚至唔係用來裝液體，好似珓杯。西方興將獎座做到似杯咁，所以呢類唔係裝嘢飲嘅杯叫做獎杯。
杯可以有杯耳或者無，叫做嘜。杯耳係杯身加個圈，畀人用手指穿住來飲，唔拍"喇"到。無耳杯又可以叫做盅。
玻璃杯
