珓杯
珓杯，減筆爲杯，係隻占卜架生，有好多寫法，筊杯、筊貝、校杯，或者反轉杯筊、杯珓、杯校、杯教、碑珓、珓兒、跋杯等。珓杯係唐人所用，求神明指引。通勝內有敎點睇。
珓杯年代久遠，原用蚌殼，投擲於地，視其俯仰，斷其吉凶。後尾改用竹片木片。正俯仰叫正反，或者陰陽。
名[編輯]
杯珓一字，大宋程大昌推論，蚌殼可盛水如杯，是為杯；珓音似敎，係神佛敎示人。卽係借睇珓俯仰敎人，於是用珓字[1]。
外觀材質[編輯]
珓杯大細，合掌包得實。亦有特大珓杯，但要問過神明，係咪啱尺寸。大筊杯放喺紙錢上，雙手揸實紙錢，甩落珓杯。咁求法係廟祝等問要事用，要事有慶典日期、作醮事宜等。家陣有啲廟用塑膠珓杯。
求神[編輯]
廟，或者神檯，會置一對幾對珓杯。上香膜拜，請示神明。用珓杯叫擲珓或者問杯。
臺灣[編輯]
臺灣，凡道教廟宇，神像前幾乎都有一到數對珓杯，佛教寺廟偶爾有之。臺灣民間信仰中，凡係求籤，要向神明擲珓確認。臺語擲珓又叫跋杯。如果新逝者神位，求問唔用得珓杯，用兩銀仔代替。掃墓臨時需用，亦可以用兩個銀仔代。
擲珓結果[編輯]
聖珓（聖杯、允筊、允杯）[編輯]
二珓杯一正一反（一陰一陽），神明應允所求、可行。
笑珓（笑杯）[編輯]
兩支皆為正面（陽陽，即兩面平），代表陳述不清、無法裁示或明知機緣未至不足，何必有此一問；或所提問題自有主張、已有定數，何必多此一問；亦或神明主意未定，再請示。
哭珓（哭杯、蓋筊、蓋杯、沒筊、沒杯）[編輯]
兩支皆為反面（陰陰，即兩面突肚），神明不允所求。
立珓[編輯]
珓杯未倒而呈立狀，一般人擲杯，多半對神明有所求，但若為無所求，有可能擲到立珓。