閩南話

出自維基百科,自由嘅百科全書
(由臺語跳轉過嚟)
跳去導覽 跳去搵嘢
閩南話
Bân-lâm-gú
Bân-lâm-gí
發音[ban˨˨ lam˨˨ gu˥˧]
用嘅國家、地區中華人民共和國 中華人民共和國
(集中喺福建南部,廣東海陸豐中文海陸豐潮汕惠州一帶)
Flag of the Republic of China.svg 中華民國
(除咗馬祖客家鄉鎮同原住民族鄉鎮)
馬來西亞 馬來西亞
星加坡 星加坡
Flag of Indonesia.svg 印尼
同其它海外華人聚居區
講嘅人口中國
2,760萬(2017年)[1]
全世界:
5,007.5萬L1[1]
38.7萬第二語言[1]
構句法主語-謂語-賓語(SVO)
形容詞-名詞,介詞前置
系屬
文字臺語文
台閩漢字中文台閩漢字白話字臺羅中文臺灣閩南語羅馬字拼音方案
官方地位
官方語言Flag of the Republic of China.svg 中華民國[2][3]
管理機構中華民國教育部終身教育司閱讀及語文教育科
語言代碼
ISO 639-1
ISO 639-3nan
Min Languages.svg
中國大陸、台灣閩語支嘅分佈,閩南話係藍色(唔包星加坡、馬來西亞)
Banlamgu.svg
中國大陸、台灣閩南話嘅分類:[4]
  深綠色:漳泉片
  淡綠色:潮汕片
  青色:大田片中文闽南语#大田片
  啡色:浙南片中文浙南閩語
  土色:中山片中文中山閩語

閩南話粵拼man5 naam4 waa2,閩南語白話字:Bân-lâm-oē),亦稱為Hōh-ló-ōe(閩南白話字)、臺灣話臺語河洛話福佬話鶴佬話等等,係屬於漢藏語系漢語族閩語支嘅語言,亦係最有影響力嘅閩語,分布喺福建南部、臺灣廣東潮汕地區、海陸豐地區、惠州部分地區、雷州半島海南島、閩西龍巖市區同埋漳平一帶、閩東寧德市福鼎一帶、浙江南部蒼南洞頭部分地區同埋東南亞一啲國家同地區。

分布地區[編輯]

閩南語主要分布喺臺灣同福建,同時喺中國大陸一啲地區同埋東南亞等地區:

  • 江蘇省:宜興縣南部山區
  • 浙江省:以平陽話為代表,主要分布喺沿海地區:
    • 溫嶺縣嘅石塘一帶
    • 玉環縣嘅坎門鎮
    • 洞頸縣嘅本島、半屏島、元角、倪嶼
    • 瑞安縣嘅北麂島、大南鄉
    • 平陽縣嘅南麓島、東部沿海嘅西灣鄉、墨城鄉
    • 泰順縣嘅東南角
    • 文成縣嘅東南角
    • 蒼南縣、長興縣、臨安縣、舟山群島等地區
  • 江西省:東北部近浙江嘅地區
  • 廣東省:東部沿海地區、雷州半島
  • 海南省:以海口話、文昌話為代表,分布遍及全島
  • 廣西壯族自治區
  • 東南亞新加坡印度尼西亞馬來西亞泰國等地

方言[編輯]

基本上,按地區,大致可以劃分為以下幾種次方言:

語言之間嘅親近性[編輯]

漳泉片[編輯]

漳泉片,就係本土閩南語。漳州同泉州係語言學範疇嘅各種閩南方言嘅發源地,所有閩南方言嘅源頭都係漳州話同泉州話。漳、泉方言內部有啲差異,主要係音韻系統方面有啲唔同,但係相互之間有嚴格嘅對應關係;語法同埋用詞就基本一致。明清以來出現嘅廈門話同臺灣話(兩者非常之似),都係直接由漳、泉各縣(市)方言混合而成,體現咗亦漳亦泉、唔漳唔泉嘅特色。而因為經濟發展較快同對外交流頻密,廈門話臺灣話亦被國內外人士睇成典型嘅閩南話。閩臺片嘅閩南話內部較為統一。東南亞嘅福建話亦就係指閩臺片嘅閩南話。

鶴佬話都係閩南話分裂嘅一支。鶴佬話唔係潮州話,兩者相比,鶴佬話同番漳泉片溝通容易好多。用鶴佬話嘅地區有:汕尾,海豐,陸豐同惠東一部分嘅地方。鶴佬人係以前香港四大民族之一。

浙南片[編輯]

明末清初時期,有好多閩南人(主要係龍溪海澄漳浦安溪惠安同安等地)搬去浙南嘅蒼南縣平陽縣玉環洞頭一帶同埋福建東北部嘅福鼎霞浦一帶。浙南同閩東地理相連,口音亦相近,呢個片區統稱為浙南片。閩南話傳入浙南、閩東地區後,由於自身嘅演變同埋受周圍方言(浙南係甌語,閩東係福州語系)嘅影響,同閩南本土嘅閩南話形成一定差別,蒼南人習慣將呢種方言稱為「浙南閩語」。現代嘅浙南閩語同閩臺片嘅閩南話相比較,主要係入聲韻鼻化韻嘅退化消失同埋用詞方面嘅差別。但整體嚟講,浙南閩語基本重係保留咗本土閩南話其它嘅特色。相對嚟講,浙南閩語比潮汕話更加接近閩臺片閩南話。

潮汕片[編輯]

潮汕話亦都叫潮州話,同漳泉片嘅閩南語有好多相似嘅地方,但互相之間差別重係非常明顯。佢嘅語法同漳泉片相同,詞匯亦有高度嘅對應,語音語調上就有明顯嘅差異,即使係噉,彼此雖然各講各嘅,但係重算係溝通到,基本上潮閩雙方都可以好快融入對方嘅語系。喺潮汕話同漳泉片相交融嘅地區,兼具有兩者嘅發音特色,好似福建嘅詔安,新加坡等。潮汕話除咗分布喺廣東省潮汕地區之外,重廣泛分布喺東南亞眾多潮汕人聚居嘅地方。

而家用潮州話嘅地區主要有:汕頭市、潮州市、揭陽市等市同埋所屬各縣區,重有海外潮人聚居嘅地方。另外,泰國曼谷同埋其他城市嘅唐人街(Chinatown),法國巴黎嘅唐人街,柬埔寨大部分嘅華人,越南一部分嘅華人講潮州話。全世界大概有3000萬人以潮州話為母語。


海南片[編輯]

海南話據講係由閩南(有人[邊個? ]話係莆田)人遷移過去之後同當地語言混合後形成嘅一種閩方言。

海南話以文昌話為代表,同其它片區嘅閩南語嘅差別最大。

睇埋[編輯]

參攷[編輯]

  1. 1.0 1.1 1.2 "Chinese, Min Nan | Ethnologue". 原先內容歸檔喺2019-03-23. 喺2021-12-25搵到.
  2. "Draft national language development act clears legislative floor". ltn.com.tw. 2018-12-25. 原先內容歸檔喺2021-10-21. 喺2021-12-25搵到.
  3. "立院三讀《國家語言發展法》 公廣集團可設台語電視台". 臺灣蘋果日報. 2018-12-25. 原先內容歸檔喺2018-12-26. 喺2021-12-25搵到.
  4. 跟《中國語言地圖集》

出面網頁[編輯]