德文

出自維基百科,自由嘅百科全書
(由德語跳轉過嚟)
德文
Deutsch
發音[dɔʏtʃ]
用嘅國家、地區德國 德國
奧地利 奧地利
 比利時
列支敦士登
瑞士
盧森堡 盧森堡
區域 瑞士
瑞士德文區中文瑞士德语区
 比利時
比利時德文區中文比利時德語社群
 法國
阿爾薩斯洛林
意大利
南提洛中文博尔扎诺-上阿迪杰自治省
講嘅人口9,000萬–1.05億[1][2]
8,000萬第二語言[2]
5,000萬(齋計歐盟成員國
排名16(標準德文)
構句法
系屬
文字拉丁字母德文字母
德文盲文英文German Braille
官方地位
官方語言德國 德國
奧地利 奧地利
 比利時
列支敦士登
瑞士
盧森堡 盧森堡
歐盟 歐盟

有啲地區係官方語言
巴西 巴西
捷克 捷克
 匈牙利
納米比亞 納米比亞
波蘭 波蘭
 羅馬尼亞
俄羅斯 俄羅斯
斯洛伐克 斯洛伐克
管理機構
語言代碼
ISO 639-1de
ISO 639-2ger (B)
deu (T)
ISO 639-3deu
  法定語言兼常用語言
  法定語言但唔係常用語言
  法定嘅地區性語言
  唔係法定語言嘅少數民族/族群語言
注意:呢頁包含Unicode萬國音標

德文粵拼dak1 man4*2德文Deutsch)係印歐語系日耳曼語族西日耳曼語支下嘅一種語言,係7660萬人嘅母語[3],主要通用響德國奧地利瑞士北部、列支敦士登比利時東部、盧森堡啲埞。另外美國、南美阿根廷都有一啲德文居民。

喺世界上,德文冇英文咁通行,但係德文係重要嘅文化語言。據統計,全世界每出十本書,就有一本係德文嘅。

歷史[編輯]

德文呢個詞喺中世紀初期首次出現。詞根源於日耳曼文中嘅人民(thioda,形容詞 thiodisk)一詞,意思係呢個係一種畀老百姓用嘅語言。當時法蘭克人嘅高級階層一般用拉丁文,後來用法文。德文當時並唔係一種統一嘅話, 而係好多地方方言嘅總稱。

中世紀德國境內諸侯割據,加上交通唔方便,各個日耳曼語方言嘅發展差好遠。雖然曾經試圖建立共同語言,但一般都只局限於各個地區,而且只係喺一定階層被採用。比如喺漢薩同盟最興盛嗰陣,北德嘅低地德文喺北海同波羅的海啲沿海地帶成為當地經商嘅通用語言

馬丁路德將聖經翻譯成德文,為德文統一起咗極大作用。通過宗教改革,路德聖經所用嘅德文方言得到非常廣泛嘅普及,成為後來標準德文嘅基礎。

1781年約翰·克里斯托弗·阿德隆出版第一部德文字典。1852年起雅各布·格林同埋威廉·格林兄弟開始編輯最廣泛嘅德文字典。呢部著作一直去到1960年至完工。1880年康拉德·杜登出版德文全正體書寫字典。1901年經過細修改後,呢部字典成為標準德文嘅唯一典範,內容一直到1998年至被重新訂正。1998年嘅修改主要改進咗一啲非常唔規則嘅文法,另外簡化咗一啲規則。此外一啲寫法,喺民間通用但依照過去嘅正寫法被認為係錯嘅,就得到唨認可。修改施行後,較古老嘅寫法被當係「已過時,但並唔係錯嘅」。

分佈[編輯]

德文使用分佈圖。其中黑色部分係以德文為官方語言嘅國家或地區。

以德文為唯一官方語言嘅國家有:德國奧地利列支敦士登

以德文為官方語言之一嘅國家有:比利時(重有法文同埋荷蘭話)、意大利(重有意大利話法文同埋斯洛文尼亞話)、盧森堡(重有盧森堡話同埋法文)、瑞士(重有法文意大利話同埋羅馬傳語)、法國(阿爾薩斯、洛林地區)。

喺以下國家,德文係少數族裔語言(以講嘅人數多少排列):丹麥法國俄羅斯哈薩克波蘭羅馬尼亞多哥納米比亞巴拉圭匈牙利捷克斯洛伐克荷蘭烏克蘭克羅地亞摩爾多瓦拉脫維亞愛沙尼亞立陶宛

德文係世界上最多人學嘅外文之一,喺歐洲不時作為第二外文教學。喺日本,醫學術語係德文,唔係拉丁文。

字母表[編輯]

內文:德文字母

德文字母表係由拉丁字母組成,除拉丁字母嘅26個字母之外德文重有四個字母嘅變體(括號):

德文字母撈發音
發音 發音 發音 發音 發音
A a /aː/ H h /haː/ O o /oː/ U u /uː/ (Ä ä)
B b /beː/ I i /iː/ P p /peː/ V v /faʊ̯/ (Ö ö)
C c /t͡seː/ J j Jot: /jɔt/

/jeː/(奧)

Q q /kuː/

/kveː/(奧,

除非涉及數學)

W w /veː/ (Ü ü)
D d /deː/ K k /kaː/ R r /ɛʁ/ X x /ɪks/ (ß) Eszett
E e /eː/ L l /ɛl/ S s /ɛs/ Y y Ypsilon: /ˈʏpsilɔn/
F f /ɛf/ M m /ɛm/ T t /teː/ Z z ZetZett: /t͡sɛt/
G g /ɡeː/ N n /ɛn/

其中 Aa、Ee、Ii、Oo、Uu 以及三個變體字母 Ää、Öö、Üü 係元音字母。仲有一個字母ß讀作Eszett,呢個字喺傳統入面冇大寫字母但係1990年代德語正寫改革容許擁有呢個字嘅大楷,寫作ẞ,其餘係輔音字母。

例如有ä嘅字有 Hämoglobin, Cäsium, Veränderung

例如有ö嘅字有 Ösophagus, Österreich, Französisch

例如有ü嘅字有 Molekül, München, Nürnberg

例如有ß嘅字有 Straßenbahn, Preußen, Elaß

發音[編輯]

德文嘅發音並唔統一。以下主要係喺德國用嘅標準德文。

重音[編輯]

德文詞嘅重音一般喺倒數第二個音節上[未記出處或冇根據],但唔係非常規則,尤其表現喺外來詞上。大部分情況下詞幹嘅音節係重音(例如'Spra-che,語言),但有時亦有前綴(首碼)(例如'Aus-spra-che,發音)或後綴(尾碼)(例如Bä-cke-'rei,麵包坊)係重音嘅。假如一個詞係由多個詞合成組成嘅,噉第一個組成部分詞係重音。外來詞嘅重音一般按嗰個詞喺佢原本語言來標重。得到重音嘅音節一般發音會響一啲。假如嗰個音節係長音嘅話,呢個音節往往被故意更加拖長一啲。

語調[編輯]

德文嘅語句有降調,升調同埋平調。降調一般用在肯定句中。升調一般用喺問句。平調一般用喺主句同埋從句之間。

元音(母音)[編輯]

德文有15個元音(母音):[aː]、[a]、[iː]、[ɪ]、[oː]、[ɒ]、[uː]、[ʊ]、[eː]、[ ɛ]、[øː]、[œ]、[yː]、[ʏ]和[ɛː],[ɛː]冇短音。

文法[編輯]

喺文法學嚟講,德文係「屈折語」,即係德文主要靠詞形變化,而唔係好似孤立語咁樣,靠語序、虛詞嚟表達清楚一個句子嘅含義。德文名詞分為三個性,四個格,有單複數之分。名詞通過佢本身以及修飾、定義佢嘅形容詞、副詞、冠詞嘅變化嚟體現佢喺句子入面嘅位置、功能同埋意義,種現象稱為變格(德文Deklination),而德文嘅動詞需要根據人稱同埋時態、語態而變化,稱為動詞變位(德文Konjugation)。

德國話係一種V2語言,撈荷蘭話、啲北歐話一樣,動詞擺第二位;而德國話啲次要嘅動詞成分擺孻尾,包括啲從句裏頭嘅動詞。

德文屬於文法較傳統嘅語言,佢保留咗較多嚟自古代靜詞嘅格詞尾變化以及動詞嘅變位。相對英文荷蘭文瑞典文呢啲日耳曼兄弟語言嚟講,德文文法變化係相當複雜。但同俄文波蘭話、拉丁文等非同族語言相比,德文嘅屈折變化算係相對簡單。

其他話對德文嘅影響[編輯]

對德文影響最大嘅係拉丁文。作為中世紀嘅學術同埋高階層語言,今時今日德文好多學術概念或表示抽象概念嘅詞依然嚟自於拉丁文或希臘文。呢啲詞家陣一般都已經被德文化。

德國位於歐洲中心,係東西南北交通要道,亦係中世紀諸侯爭逐之地。德文之中含有好多源自其他歐洲語言(好似法文、波蘭話、意大利話、西班牙話、俄文、希伯來話等等)嘅外來詞。好多呢啲外來詞喺拼寫同埋發音上都冇改變之下被吸收。

英文對德文嘅影響[編輯]

第二次世界大戰後對德文影響最大嘅外文係英文,種現象喊做「英語化德文Anglizismus」(德文Anglizismus)。英文有時被戲稱為「新標準德文」。據Mannheim嘅德文研究所2004年初統計,喺過去10年德文出現咗大概700個新詞,其中40%以上直接嚟自英文或者係英文同德文組成嘅混合詞。英文對德文嘅衝擊來自以下三方面:

  • 好多新嘅科技術語直接由英文進入德文詞彙。有啲術語雖然亦有相應嘅德文詞,但英文原詞更被廣泛應用同埋接受(例如 Computer/Rechner,DNA/DNS 等等)。
  • 好多跨國公司(甚至德國嘅跨國公司,好似西門子)內部以英文為工作語言。
  • 喺德國社會,好多後生覺得德文陳腐,英文比較「Cool」。講英文或者用英文詞彙會顯得一個人時尚、先進。好多廣告完全用英文。一個經理人員做報告嗰時唔用英文詞彙會顯得佢落後、唔夠國際化,因此有可能危及到佢將來嘅發展。

雖然德國政府唔似得法國以強制措施維護法文噉樣來維護德文,但德文嘅英文化問題已經被社會意識到。好多有影響力嘅報刊同埋電視文化節目抨擊呢個趨勢,但佢哋本身亦往往擺唔甩同埋漠視呢個趨勢嘅要求。

德文入面亦有自創嘅「仿英文(或者叫德制英文)」詞彙。最具代表性嘅係Handy(手機)一詞,英文handy係個形容詞,解做「方便用嘅」。

基本詞[編輯]

  • ich 我(第一格)
  • du 你(第一格)
  • er/sie/es 佢(陽、陰、中性;第一格)
  • Sie 閣下/諸位(第一格)
  • wir 我哋(第一格)
  • ihr 你哋(第一格)
  • sie 佢哋(第一格)

[編輯]

  1. Thomas Marten, Fritz Joachim Sauer (Hrsg.): Länderkunde Deutschland, Österreich und Schweiz (mit Liechtenstein) im Querschnitt. Inform-Verlag, Berlin 2005, ISBN 3-9805843-1-3, S. 7.
  2. 2.0 2.1 "Die meistgesprochenen Sprachen der Welt". sprachkreis-deutsch.ch. 2012. 喺2021-11-02搵到.
  3. "What are the top 200 most spoken languages?". Ethnologue. 喺2021-02-26搵到.