南島語系

出自維基百科,自由嘅百科全書
跳去導覽 跳去搵嘢

Template:Infobox Language Family

南島語系分佈圖

南島語系英文Austronesian languages)係世界上其中一個主要語系,包括大約1300種語言,主要由南島民族所使用嘅語言。主要分佈喺南太平洋群島,包括臺灣海南島越南南部、菲律賓馬來群島,東達南太平洋東部嘅復活節島,西達東非洲外海嘅馬達加斯加島,南抵紐西蘭,跨越東南亞東亞非洲大洋洲。夾埋超過3.5億人用。

主要分佈區域[編輯]

所謂「南島」(Austronesia),係喺1899年由學者Wilhelm Schmidt由拉丁文字嘅字根「auster」同希臘文「nêsos」所合組而成[1],前者為南風之意,後者係指,所以日本人創造和製漢語「南島」以對應「Austronesia」,而中文喺近代沿用咗呢個譯名。

使用南島語系嘅區域包括臺灣海南菲律賓馬來西亞新加坡印尼馬達加斯加新畿內亞紐西蘭夏威夷密克羅尼西亞美拉尼西亞玻里尼西亞等各地島嶼,加上馬來半島馬來語中南半島上嘅越南高棉占語以及泰國莫肯語Moken)同埋莫克倫語Moklen[2]。北起臺灣,南抵紐西蘭,西至馬達加斯加,東至智利復活節島

南島語系分佈區域好大,語言數目亦好多,根據《民族語》世界語言資料庫資料,佢總數有1262種之多(Ethnologue: Languages of the World 2004)。 由於移民同近代帝國主義殖民,喺劃分為南島語系嘅區域入面,部分上亦有使用非南島語族嘅語言。例如臺灣,除咗有隸屬於南島語族嘅原住民族族語以外,由於17同18世紀時,嚟自大明帝國大清帝國移民而同時存在住唔同漢語,包括閩南語臺灣話)同客家話臺灣客家語)。台灣喺19世紀末至20世紀中期嘅台灣日治時期則以日語官方語言第二次世界大戰後時期中華民國政府統一使用現代標準漢語國語[2]

其他國家,包括菲律賓相繼畀西班牙美國統治、夏威夷畀美國統治、紐西蘭英國統治、印尼荷蘭統治、馬來西亞英國統治、越南同埋柬埔寨法國統治等,殖民地語言作為母語對依家嘅語言系統做成唔同程度影響。

參考[編輯]

  1. "國立臺灣大學原住民族研究中心--南島文化". 原著喺2008-10-01歸檔. 喺2009-01-24搵到. Unknown parameter |dead-url= ignored (help)
  2. 2.0 2.1 中央研究院平埔文化資訊網 nd, a