同源詞
同源詞（粵音：tung4 jyun4 ci4；英文：cognate ）即係响唔同語言裏面來源相同嘅詞。雖然來源相同，但係响唔同語言裏面可以有好唔同嘅發音同意思，有時詞義會分道揚鑣，各自轉化或者引申出唔同嘅新意思，偏離原意；發音亦會慢慢噉各有各變，時間越耐，差異越大。另一方面即使唔同語言有發音、意思都會好近嘅詞，都唔一定係同源詞，有陣時會係巧合，尤其係象聲詞成日都有噉嘅情況。
基本定義
[編輯].jpg)
同源詞係指一啲詞語，歷史上（一個詞語）同另一個（詞語）形態係衍生自同一個源頭嘅。[1]:p. 83
同源詞係歷史語言學成日提到嘅概念，意即「同源」嘅詞語[2]，不過雖然係來源相同，但係任何語言都梗會隨時間而變化。假想某隻語言，有某隻詞語，後來隻語言嘅其中兩種方言慢慢各自演變，喺發音等各方面起變化，最後變成完全冇能力通話嘅兩隻語言，同時手上嗰隻詞語因為發音變化，而變咗兩隻語同樣、但意思一樣（或者好相近）嘅詞語，而呢兩隻詞可以追溯返去同一隻詞嗰度，所以就是為同源詞。舉例說明，英文同德文都係日耳曼語言，由原始日耳曼語演變而嚟嘅[3]，而兩隻語言指母親嘅詞語好相似，讀音用國際音標寫嘅話：
－呢兩隻詞語，據估計都係嚟自原始日耳曼語指母親、阿媽嗰隻詞語。到咗廿世紀，英文同德文之間經已有巨大嘅差異，兩者無法通話，但係兩種語言同源，各自由原始日耳曼語嗰度繼承咗大量嘅詞語，英文同德文嘅同源詞喺發音、拼寫方法同詞義上都有相當嘅相似之處。
廿一世紀初嘅羅曼語言亦有好多同源詞。羅曼語言衍生自通俗拉丁話（廣泛流通於羅馬帝國民間嘅語言），主要分佈於歐洲南部。舉幾個維基詞典都有紀錄嘅例子：
概念釐清
[編輯]要判定手上嗰啲詞語係咪真正嘅同源詞，歷史語言學同比較語言學嘅學者必需要深入研究，分析歷史文件同語音比較等嘅材料，觀察詞語喺歷史上經歷過乜嘢變化，確保手上嘅詞語真係合乎晒同源嘅條件。
相似度
[編輯]喺嚴格嘅語言學上，同源詞最重要嘅特徵係同源而唔係相似，兩隻詞語就算唔係咁相似，都可以係同源[4]。
有好多人以為，同源詞一定係發音差唔多或者串法好相似嘅。不過，實際上同源詞唔一定要外形或者發音接近：語言經過幾百年、幾千年嘅變化，就算係兩隻詞係源自同一個詞，外形都可以因為演變而變到好唔同；例如英文 father 同法文 père 都係指父親、阿爸噉解，兩隻詞語望落好唔同，寫嗰陣一個開頭係 f 一個係 p，讀音都唔多一樣，國際音標係：
寫法 讀法 語言 father /ˈfɑːðɚ/ 英文 père /pɛʁ/ 法文
但係佢哋查實係同源詞。兩者都可以追溯至原始印歐語[註 3]指阿爸嗰隻詞。而英文同法文係遠親，有共同祖先但個共同祖先好久遠，兩條分支[註 4]喺歷史發展過程中有唔同嘅音系變化規律，英文保留咗 f 音，而法文就演變成 p 音，結果發音上睇落唔似，但係根據歷史語言學嘅考究同重構，仍然可以證實佢哋係同源詞。
假同源
[編輯]兩隻詞語就算相似都唔一定同源。相似並非同源嘅重點特徵。
假如兩隻詞係同源詞，佢哋發音、拼寫方法同詞義通常都會相似。但兩隻詞語就算喺各方面相似，都唔表示佢哋實係同源詞。例如以下呢兩隻詞語噉：
發音相似、串法相似，而且都係指
借詞
[編輯]- 佢哋嘅所屬語言必需要係同源嘅，而且
- 兩隻詞語要源自同一隻來自「共同祖先」語言嘅原始詞形。
如果用呢個定義嘅話，一對詞語要合乎嚴格要求先可以算同源詞：例如喺廿一世紀初，粵語同英文都有啲詞語係相似嘅，譬如係粵語指女老師嘅
假朋友
[編輯]假朋友（個名嚟自法文：faux amis，法文讀音：/fozami/）係一個類似嘅概念，講到個樣似嘅字詞（唔理佢係真同源詞定假同源）有時意思會完全唔同，甚至意思相反，例如英文 actual（真嘅）同法文 actuel（現時嘅）就係假朋友，英文 gift（禮物）同德文 Gift（毒藥）亦係假朋友。
借詞有陣時會產生假朋友：詞語由一隻語言借去另一隻語言嗰陣，意思有可能會走樣，輕則好似 gymnasium 噉，喺拉丁文中可以指學校或者運動嘅地方，但到咗廿一世紀初英文就只可以指後者；重則可以好似 Viking 噉，喺英文中指維京人，到咗日文就指意思同維京人冇咩啦掕嘅自助餐[6][7]。
東亞應用
[編輯]同源詞嘅概念始於對歐洲語言嘅研究。
相比之下，漢字文化圈傳統上用開漢字，呢種文字有別於羅馬字母等嘅表音文字，好多時口語發音變咗，隻詞語個寫法依然完全冇變。用二十一世紀初嘅語言學觀點嚟睇，判定同源詞一般重點唔係在於寫法，而係睇口語讀出嚟嘅音先嘅[8]，用呢返套思路嚟諗嘅話：比如係北呢隻漢字，喺廿一世紀初嘅羅馬化做法嚟睇：
呢啲發音據考究都係源自北嘅中古漢語音 /pok̚/ 而北一詞喺唔同漢語中嘅口語讀音就互相成同源詞關係。同時，越南話、日語同韓語因為唔屬漢語，所以根據某啲觀點[註 8]，佢哋嘅北字發音唔算同粵語中嘅 bak1 同源。
睇埋
[編輯]詞彙
[編輯]同源詞相關概念嘅英文名：
- Cognate：同源詞
- Root / etymon：指若干隻同源詞嘅嗰一隻「共同祖先」詞語，啲同源詞都係衍生自佢嘅。
- Descendant：意指「後代」，假如某隻語言分化，佢入便嘅詞語亦分化做唔同嘅同源詞，一隻「祖先」詞語衍生出嚟嘅同源詞就係佢嘅「後代」。
參考
[編輯]註釋：
- ↑ /ɚ/ 標準英式英文讀 /ə/，北美一般讀 /r̩/；喺某啲方言 /ð/ 可能讀 /d/。
- ↑ /ɚ/ 標準德文讀 /ə/，前東德讀 /ɛr/。
- ↑ PIE；原始日耳曼語同拉丁語嘅共同祖先。
- ↑ 可以睇睇羅曼語言同日耳曼語言嘅概念。
- ↑ 呢度用嘅係黑本式日羅。呢隻詞語用平假名寫會係なまえ而用日文漢字寫會係名前。
- ↑ 如果係德文就更加似：德文發音 /ˈnamə/，同日文幾乎完全一樣，只係少咗第二個 /a/ 音；但係當然亦唔係同源。
- ↑ 對於呢兩點係咪同源詞嘅必要條件，廿一世紀初嘅學界有啲爭議。唔少人都會將「起於借詞現象嘅同源」當係 cognate 噉稱呼。
- ↑ 睇返某啲同源詞文獻講到，兩隻詞語要係同源詞，佢哋所屬嘅語言必需同源。
引用咗嘅文獻同網頁：
- ↑ Crystal, D. (2008). A dictionary of linguistics and phonetics (6th ed.). Blackwell Publishing Ltd.
- ↑ Roembke, T. C., Koch, I., & Philipp, A. M. (2024). What makes a cognate? Implications for research on bilingualism. Bilingualism: Language and Cognition, 1-6.
- ↑ Hawkins, John A. (1987). "Germanic languages". In Bernard Comrie (ed.). The World's Major Languages. Oxford University Press. pp. 68-76.
- 1 2 Trask, R. L. (2000). The dictionary of historical and comparative linguistics. Psychology Press.
- ↑ Moss, Gillian (1992), "Cognate recognition: Its importance in the teaching of ESP reading courses to Spanish speakers", English for Specific Purposes, 11 (2): 141–158,
- ↑ Viking - Japanese Buffets. Japanese reference.
- ↑ IN JAPAN, VIKINGS ARE ALL-YOU-CAN-EAT BUFFETS. Tofugu.
- ↑ Kondrak, G. (2001). Identifying cognates by phonetic and semantic similarity. In Second Meeting of the North American Chapter of the Association for Computational Linguistics.
外拎
[編輯]- （英文）Roembke, T. C., Koch, I., & Philipp, A. M. (2024). What makes a cognate? Implications for research on bilingualism. Bilingualism: Language and Cognition, 1-6.