直同志

一班直同志響西雅圖抗議。

直同志（英文：Ally / Straight Ally / Heterosexual Ally / Straight Gay）係指一班支持 LGBT 社群，仲同佢哋一齊爭取平等待遇、但本身並唔係同性戀或者跨性別嘅人士。

直同志平權組織同運動

由於有某啲人唔支持 LGBT 社群，所以佢哋好多都唔鍾意直同志。正因為噉，直同志有時都會畀人岐視。所以響1973年，化名「直同志之母」嘅珍妮·曼福德搞咗一個同志組織叫PFLAG，係美國第一個、亦係當今美國最大、最犀利嘅同志組織。呢個組織唔單止支持同性戀者同直同志，佢仲支持雙性戀、跨性別同埋佢哋嘅屋企人。2007年，呢個組織開咗個新項目——「直人挺平權（Straight for Equality）」，目的係幫直同志響社會上面嘅工作場所、醫療保健同埋宗教社區入面得到平等待遇。 除咗PFLAG外，仲有由學生成立嘅同直聯盟同埋GLBTQ法律權益同捍衡者都係支持直同志嘅組織。