直接民主

直接民主（又或者叫參與式民主）係一種民主體制嘅理論，認為每一個公民都應該可以直接參與所有政策制訂，而方法係用投票去決定，例如公投就係其中一種實踐直接民主嘅方式。不過要動員所有公民成日去為政策投票要動用好多人力物力，唔係太實際，所以全世界好少國家會所有嘢都用直接民主方式決定，通常只會係啲好細嘅共同體先會完全直接民主。而多數民主國家主要都行代議民主制。