石硤尾

  想搵第二個意思嘅話，請睇石硤尾 (搞清楚)。

石硤尾

石硤尾（硤讀劫，英文Shek Kip Mei或者Shek Kip Mi），又叫做石峽尾，係香港新九龍一笪地方，響煙墩山南面山腳。石硤尾南面係深水埗，北面係大窩坪，西面係白田，東北係又一村，東面係大坑東，佢東南有座山隔開九龍塘。

史

石硤尾以前叫夾石尾。至於「夾石尾」同埋石硤尾個「硤」點解，就唔係咁清楚。

1940年代尾，因為國共內戰，難民就由大陸來到香港，開咗條石硤尾村響山邊一個涌谷尾。條村靠返東面山邊條涌，個置就係南昌街打上，巴域街以北個位置。條村一直伸上谷。佢西便有白田村。當時基本上成個香港九龍市區，全部山邊都係起搭晒屋。皆因香港二次大戰過咗無耐，好多樓都炸平，屋少人多，租金自然好貴，所以難民都響山邊用一條條木搭屋。但係一火燭就好大件事。

1952年11月21號，石硤尾村大火，一燒燒300幾間屋，影響到4000人。而出名嘅石硤尾大火就響第二年，1953年12月24號出現。隔籬條白田村火祝，一燒燒六粒鐘，石硤尾六條村都燒清光，五萬人就算甩難都要瞓街。佢哋迫住響街邊牆邊搭個棲身之所。香港政府決定開徙置區，起屋平租畀災民住。石硤尾徙置區就由窩仔街開始起，頭八棟係聯合國捐錢起嘅。之後呢個徙置區就變成石硤尾廉租屋邨，即係今時今日嘅石硤尾邨。

參攷

• 〈石硤尾人文館〉。