石狗神壇

石狗神壇喺香港大嶼山大澳吉慶後街，座立喺「創龍社」旁邊，估計已超過百年歷史，喺清朝取消遷界令之後，前人將石狗放返喺大澳供奉嘅。石狗神壇喺2013年9月10號被評為香港二級歷史建築。

石狗係古代中國南方民族傳說中嘅神犬，傳說神犬係畬族、輋族嘅祖先。佢係香港少數嘅供奉古畬族信仰神物，由此可見以前已經有畬族人喺大澳活動。而家石狗神石旁邊亦同時擺放咗代表土地嘅石頭、刻住「南無阿彌陀佛」嘅石碑、同觀音神像，根據大澳老一輩嘅村民所講，而家視石狗同土地一樣供奉住，村民裝香祈求福澤平安，趕走惡運。石狗雖然受盡風化，而家仍然能夠憑想像力估計石狗嘅頭同腳。