砵蘭石

砵蘭石（英文：Portland Stone）係一種石灰岩（Limestone）地質組（Geological Formation），正式嘅名係砵蘭石組（Portland Stone Formation）^[1]，可以追溯到侏羅紀後期（Late Jurassic）嘅 Tithonian時代，喺英國多實郡嘅砵蘭島開採^[1]。

砵蘭石喺英國廣泛使用嘅建築石材，特別係倫敦嘅主要公共建築物，例如聖保羅大教堂同埋白金漢宮。砵蘭石亦都出口去好多國家，連紐約市嘅聯合國總部都用緊。

地質學

砵蘭石係喺海嗰度形成，喺陸地附近嘅淺而且暖嘅亞熱帶海近地面嗰度形成（有證據話係由浮木化石形成），屬於沉積岩。當海水被太陽加熱嗰陣，啲水嘅溶解氣體容量就會降低；因此，溶解嘅二氧化碳（CO₂）會以氣體嘅形式釋放出嚟。然後水入面嘅鈣同碳酸氫離子就可以結合，形成碳酸鈣（CaCO₃）並且沉澱咗喺海底。喺硬水嘅地方，熱水煲裡面會積聚石灰，呢個過程同砵蘭石嘅形成好相似。

碳酸鈣係大部分石灰岩嘅主要成分。大量嘅碳酸鈣沉澱形成咗一種叫做方解石嘅細小晶體，呢啲方解石積聚之後，形成石灰泥（叫做微晶，Micrite），呢啲微晶覆蓋咗海底。沙或者有機碎片嘅小粒子，例如貝殼碎片，形成咗一個「核心」（nucleus），當呢啲「核心」喺泥濘嘅微晶嗰度滾動嗰陣，「核心」就會俾一層方解石包覆住^[2]。砵蘭石嘅礦物硬度係莫氏硬度（Mohs scale of mineral hardness）嘅3.5^[3]。

方解石逐漸積聚（透過增生）喺貝殼碎片嘅周圍，形成同心層，形成細珠仔（直徑小於0.5毫米）。呢個過程同雪球喺雪地入面滾動嗰陣變大嘅方式好相似。隨住時間嘅推移，幾億個呢啲細珠仔，叫做「 ooids 」或者「 ooliths 」（嚟自希臘文，意思係「蛋形」或者「蛋石」），由更多嘅方解石黐埋一齊（或者叫石化，Lithified），形成叫做砵蘭石嘅卵石石灰岩。砵蘭石嘅水泥化程度係，石頭嘅水泥化程度足夠好，令到佢可以抵抗風化，但係，另一方面，佢哋嘅水泥化程度又唔夠好，令到石工唔可以好輕易咁加工（切割同雕刻）。呢個就係點解砵蘭石好多時都係用嚟整紀念碑同埋做建築石材嘅其中一個原因。 Geoff Townson 對砵蘭岩進行咗三年嘅博士研究，係第一個描述斑塊礁面同多實郡嘅沉積岩細節嘅人。修咸頓大學海洋與地球科學學院嘅 Ian West 喺由 Albion Stone plc 開采砵蘭石床之前，完成咗對 Withies Croft 采石場嘅詳細地質調查^[2]。

使用歷史

喺羅馬時期開始就已經喺砵蘭嗰度開採石頭，並喺14世紀已經有運去倫敦賣^[4]。採石喺17世紀初開始成為一個行業，而開採到嘅砵蘭石運去倫敦，用嚟起英國建築師伊尼高鍾斯（Inigo Jones）設計嘅國宴廳（Banqueting Hall）。克里斯多佛·雷恩選擇用砵蘭石嚟起聖保羅大教堂，對砵蘭嘅採石場嚟講有好大嘅推廣作用，令到砵蘭石成為倫敦建築石材嘅首選。砵蘭島由1865年開始就透過鐵路連接到全國各地。艾比恩石材公司（Albion Stone）喺1984年起就開始開採砵蘭島嘅石材。砵蘭石材有限公司（Portland Stone Firms Ltd）從1994年開始就開採砵蘭島嘅石材。