碩德八剌

出自維基百科,自由嘅百科全書

碩德八剌1302年2月22號1323年9月4號)係大元第五個皇帝1320年1323年在位,跟廟號元英宗

生平[編輯]

碩德八剌係元仁宗個仔。1320年正月元仁宗過身,之後18歲嘅碩德八剌喺太皇太后答己同右丞相鐵木迭兒等人嘅扶持下,喺大都登基做皇帝,就係元英宗。英宗登基後推行「以儒治國」政策,但係初時英宗嘅權力受到太皇太后答己同鐵木迭兒好大制肘。

1320年五月,元英宗任命拜住做左丞相。1321年開始用「至治」年號。

1322年右丞相鐵木迭兒同太皇太后先後過身,元英宗開始親政。

元英宗想清理鐵木迭兒剩低嘅勢力,搞到鐵木迭兒嘅義子鐵失夾埋也先帖木兒同其他人喺1323年八月趁元英宗由上都返番大都嗰陣,喺南坡發動政變,殺咗拜住同元英宗,之後政變者擁立晉王也孫鐵木兒做皇帝,就係元泰定帝。但係泰定帝之後就殺咗也先帖木兒同鐵失。