磬
磬（舊時同「罄」相通）[1]，本身係一種敲擊樂器，用石或玉製成，形狀似曲尺。個别用就叫特磬，成組用就叫編磬。後嚟又指喺寺院裏面嘅和尚，念經嘅時候所敲打銅造嘅法器，亦叫做法磬、僧磬。
佛教音樂分做贊、偈、咒、誦四大類，其中嘅韻咒係用磬嚟伴奏。
而家喺瑜伽圈另外叫頌缽，除咗係法器之外，而家嘅聲頻治療（屬於特别嘅療法）[2]，係根據印度人體脈輪嘅觀念，引入成為治療方法嘅一種。呢個講法係喺印度至喜馬拉亞一帶極為流行。
因為磬嘅樣係彎曲形，所以「磬」又形容好似人彎低腰，代表好恭敬嘅意思。例如：磬折，即係吊死嘅人似磬懸掛住。磬亦可指係縊殺，用嚟做動詞。通罄，形容係空、盡嘅意思。喺而家漢語裏面嘅「罄」同「磬」係唔通用嘅。