社會帝國主義

出自維基百科,自由嘅百科全書
跳去導覽 跳去搵嘢

社會帝國主義Social imperialism)係指打住社會主義旗號嘅帝國主義,由中華人民共和國首先提出,用嚟批評蘇聯

1956年,蘇聯領導人赫魯曉夫大肆批評前領導人史太林,開始同中華人民共和國關係惡化。1968年,由蘇聯帶頭嘅華沙公約組織入侵捷克斯洛伐克,中華人民共和國認為蘇聯嚴重偏離咗社會主義路線,變咗新嘅帝國主義力量,所以就叫佢「蘇聯修正主義」(簡稱「蘇修」)同埋「社會帝國主義」,到1978年鄧小平正式做咗中華人民共和國領導人之後,先至唔再噉稱呼。

1974年,鄧小平代表已經攞到中國代表權嘅中華人民共和國,喺聯合國大會演講,佢話:如果中國有朝一日變咗色,變做一個超級大國,又喺世界蝦蝦霸霸,周圍恰人哋、侵略人哋、剝削人哋,噉世界人民就應該幫中國扣返頂「社會帝國主義」嘅帽,應該踢爆佢、反對佢,同埋同中國人民一齊打倒佢。