神奇小子

神奇小子（パーマン，Perman）係日本漫畫家藤子·F·不二雄嘅作品，曾經由1966年起連載2年及1983年再連載3年，後來幾次被改編成電視及電影動畫。

香港嘅亞洲電視於1984年喺本港台播放神奇小子動畫。

劇情簡介

故事講述小學生德仔（須羽満夫）喺某一日無意中「幸運地」遇上負責保衛銀河嘅神奇金剛，被委以重任，成為保護地球嘅神奇小子1號。德仔原本只係一個普通嘅小學生，得到鳥人嘅道具後，包括神奇頭盔、飛天斗蓬、神奇襟章及替身機械人，成為擁有超能力嘅英雄。

漫畫主角。平時係個懶惰、粗心、有啲蠢嘅小學生，變身為神奇小子後性格會發生變化。鍾意金麗華（星野スミレ）同埋同學澤田蜜子（ミチ子）。驚甴曱。

猩猩。漫畫初期同媽媽住喺動物園，後期設定為係一對老年夫婦嘅寵物。鍾意吃香蕉。同隔籬隻狗係好朋友。

日本最受歡迎嘅少女偶像。對其他神奇小子一直隱瞞身份。鍾意神奇小子一號，但一直冇表露。

出生喺大阪嘅金福寺。頭腦相當好，多次運用智慧解決問題。鍾意賺錢，自己搞咗一間小型運輸公司。

彩色電視版冇嘅人物，係一名一歲半嘅BB，由於見到神奇小子嘅真面目，所以成為神奇小子嘅成員。由於單行本冇收錄相關嘅故事，所以冇乜讀者知道佢嘅存在。直到2002年紀念特別映畫而出版嘅My First BIG『パーマンパーマン永遠なれ!!』（第3卷），至正式收錄故事『5號嘅誕生』。

畀各位神奇小子道具嘅外星人。如果有人泄漏神奇小子嘅秘密會俾佢變成動物。但實際上佢好溫和，總係諗辦法令神奇小子改正錯誤。性格有啲毛糙。

德仔阿爸。

德仔阿媽。

德仔個妹。

一對老年夫婦。

收藏方法：將斗蓬同埋襟章擺喺頭盔裏面，三者可以被搓揉縮小，並收埋喺耳窿入面。

頭盔 - 除了用嚟隱藏身份之外，載上頭盔後力大無窮，並可以增強骨嘅強度達6600倍。耳嘅中間裝有萬能翻釋機。
斗蓬 - 用特殊纖維製作，着上身之後可以能反重力推進，自由飛行。最高時速119km（第1作時係91km），如果神奇小子手連手飛嘅話，可以再增加速度。
襟章 - 通話器、潛水氧氣囊及簡易雷達。
替身機械人 - 喺神奇小子活動期間，佢哋可以將機械人變成一個同自己一模一樣嘅替身，掩人耳目。德仔成日用佢嚟幫自己開小差或做功課，但時間耐咗亦同替身產生友情。開關喺機械人嘅紅色鼻上面，德仔多數將佢收埋喺書床嘅大櫃桶入面。

完結篇係主角德仔被選出到超人星學習，臨走前3號畀佢睇自己嘅真面目。喺作者另一部漫畫多啦A夢中，已經成年成為明星嘅3號曾多次出現，堅守住青梅竹馬嘅感情，重等緊1號返嚟。