秤[1]係傳統嘅磅重工具，多數用喺街市，而家已經好少見。秤嘅主體係枝木或者竹桿，一邊有個大鈎或者盤，另一邊掛住個秤砣。將要秤嘅嘢掛喺鈎或者放喺盤上面，移動秤砣利用槓桿原理令兩邊平衡就知件嘢有幾重。俗語「秤不離砣」形容兩樣嘢或者兩個人經常一齊出現。
教細路嘅數字歌之中用「秤鈎五」形容「5」字。起樓用嘅塔式起重機喺香港俗稱「天秤」。磅下架車有幾重嘅地方叫做「秤車站」。
秤
