章惇

章惇，字子厚，北宋景祐二年（公元1035年）出生，建州浦城（依家既福建南平市浦城縣）人，佢係宋朝既政治人物，新舊黨爭既變法派既重要角色。根據《揮麈錄》，佢老豆喺章俞，親阿媽其實喺章俞既外母楊氏，兩人通姦之後生咗佢，然後冒充佢老豆既老婆（章惇既同母異父姊姊）生既。原文係：「章俞者，郇公之族子，早歲不自拘檢。妻之母楊氏，年少而寡，俞與之通，已而有許生子。」

佢最勁既時候做過宋哲宗趙煦既首相（元祐九年做咗尚書左僕射門下侍郎），宋哲宗死咗之後，章惇因為反對端王趙佶繼位，擁護宋哲宗既細佬簡王趙似，佢同欽聖太后向氏講「端王輕佻，不可以君天下」，不過俾太后拒絕咗。端王趙佶做咗皇帝（宋徽宗），最初封章惇做申國公，但係因為章惇喺當初反對立徽宗做皇帝，激嬲咗欽聖太后，無幾奈就俾皇帝炒咗魷魚，先係貶咗做雷州司戶，然後再貶去做舒州團練副使，最後仲要喺公元1106年（宋徽宗崇寧五年）1月2日，死咗係任上。