第四紀

第四紀係新生代入面最後一個紀，由258萬年前一直去到而家，即係響新近紀之後，可以再細分做兩個世：更新世同全新世。

研究史

第四紀呢個名最早係意大利地質學家基奧雲尼·阿爾杜伊諾（Giovanni Arduino）喺1759年研究波河河谷沉積情況嗰時提出嘅。到1829年，法國地質學家儒勒·迪斯努瓦耶（Jules Desnoyers）引用佢呢個定義。佢喺研究塞納河低地嘅沉積層嗰陣發現有一層比新近紀重要新嘅岩層，而呢個岩層一直延伸到地殼表面。

第四紀嘅時期基本上同最近嘅冰河期（包括而家嘅冰川回退期）相符。另一種分法係將300萬年前北極結冰嘅開始作為第四紀嘅開端，噉嘅話上新世嘅最新嗰部分都計埋入第四紀。不過亦有人唔承認第四紀嘅存在，而將佢睇成第三紀嘅一部分。