第歐根尼

第歐根尼
姓名原文	Διογένης ὁ Σινωπεύς
出生日	c. 400年 BC
出生地	Sinope
死亡日	c. 323年 BC  （0歲）
死亡地	Ancient Corinth
國籍	Sinope
識嘅語言	古希臘文
職業	哲學家
[改維基數據]

第歐根尼（Diogenes，前412年—前323年）係古希臘哲學家，犬儒學派嘅代表人物。活躍喺公元前4世紀，相傳喺公元前413年喺錫諾普出世（而家屬於土耳其），又話係公元前323年喺科林斯過咗身。

佢嘅真實生平其實好難考證，但係古代文獻記錄咗好多關於佢嘅傳聞同趣事。據講第歐根尼住喺一個木桶（又有話係裝死人嘅甕）入面，佢所有嘅財產淨係得佢個木桶、一件斗篷、一支棍同埋一個麵包袋。有一次第歐根尼喺度曬緊太陽，亞歷山大大帝嚟搵佢，問佢有冇嘢想要，仲話一定會幫佢實現願望。第歐根尼答咗句：「我希望你laan1埋一二邊，唔好遮住我啲陽光。」亞歷山大大帝後嚟講：「如果我唔係亞歷山大，我想做第歐根尼。」

佢以海格力斯做榜樣，認為德行喺行動入面比喺理論入面表現得更加實在。佢因為啲哲學搞作好出名，好似大白天攞住盞燈周圍行，話自己喺搵「一個真正嘅人」（呢句通常喺譯做「搵誠實嘅人」，因為第歐根尼覺得身邊啲人又唔誠實又冇理性）。佢成日批評柏拉圖，反駁佢點樣解釋蘇格拉底，仲專登搞破壞，去打亂佢啲講座。有時佢會喺討論期間攞嘢食嚟分散聽眾注意力。Template:需要來源 第歐根尼仲出名係[[第歐根尼與亞歷山大|公開甚至當面笑亞歷山大大帝]]，呢件事發生喺公元前336年，當時亞歷山大大帝嚟咗科林斯探佢。