第1屆尼泊爾國會選舉

第1屆尼泊爾國會選舉
尼泊爾選舉政治專題
‹ 2013 •  • 2022 ›
2017年11月26號 第二輪：2017年12月7號
選舉制度				兩輪投票制
議席數目				275
選舉席次				275（過半數要138席）
選舉統計
選民人數						15,427,731
			德烏帕－尼泊爾大會黨
			尼泊爾共產黨（聯合馬列）
			尼泊爾共產黨（毛）
			民族民主黨
議席分佈圖
尼泊爾總理
選前 德烏帕 尼泊爾大會黨

第1屆尼泊爾國會選舉響2017年11月26號同12月7號舉行。

背景

尼泊爾廢除君主制之後政局長期不穩，要由多個政黨組成聯盟執政，響執政聯盟入面成日換黨執政，搞到政策亂嗮龍。呢次舉行省級同聯邦選舉，係2008年廢除君主制以來第一次舉行，亦係從君主制邁向民主嘅里程碑，有望結束咁多年政局不穩嘅局面，一千五百四十萬個選民同時選出國會二百七十五席。

根據2015年通過嘅新憲法，尼泊爾要響2018年1月之前要完成地方、省同中央三個層級嘅選舉。而響5月舉行嘅地方選舉，尼泊爾共產黨（聯合馬列）攞到好成績，外界關注佢哋可唔可以響國會攞到過半席位，再次上台執政。

投票前多處發生小型爆炸，當局加派軍警保安。

結果

點票要到第二階段投票完咗之後先開始，預計12月中有會選舉結果。

候選人

總理德烏帕話，選舉肯定會為國家帶來繁榮穩定。

分析

選前

選舉結果會影響尼泊爾同兩大隔離國家—中國同印度未來關係走向。現任總理德烏帕領導嘅尼泊爾大會黨被視為親印度，前總理奧利帶領嘅尼泊爾共產黨（聯合馬列）就被視為親中國。而共產黨講明一旦上台，會重新啟動同中資企業合作價值廿五億美金嘅水電站項目，呢個計劃早前被德烏帕政府以合約有問題為理由取消，畀印度國營公司投標建造。

無論邊個掌權，都急需改善經濟，依靠旅遊業同外國援助嘅尼泊爾，重未響2015年嘅大地震入面完全恢復，2016年經濟增長係零，今年估計只有一點五個百分比。亦有尼泊爾官員話，中國同印度都嘗試用經濟嚟拉攏尼泊爾，中方答應提供八十四億美金經濟援助，印度就只有三億美金。