2018年嘉義市市長選舉

第10屆嘉義市市長選舉
嘉義市選舉政治專題
‹ 2014 •  • 2022 ›
2018年11月24號
選舉類型				省轄市市長
選舉制度				單一選區相對多數制
選舉統計
選民人數						212,843
‎總投票百分比 有效選票　　　　　　　　142,208 無效選票　　　　　　　　2,326
							67.91% ▼ 3.05%
			4 涂醒哲－民主進步黨
			投票數				56,256
									39.56%
			2 黃敏惠－中國國民黨
			投票數				58,558
									41.18%
			1 蕭淑麗
			投票數				25,752
									17.98%
			3 黃宏成台灣阿成世界偉人財神總統
			投票數				1,822
									1.28%
嘉義市市長
選前 涂醒哲 民主進步黨						選後 黃敏惠 中國國民黨

第10屆嘉義市市長選舉響2018年舉行，由中國國民黨嘅黃敏惠當選。

候選人

民主進步黨

儘管民進黨定調2018提名「現任優先」，現任嘉義市長涂醒哲係自己人，但係民意調查唔穩定，好長一段時間冇起色，唔只施義芳出手，雲嘉南服務中心副執行長徐文忠亦高掛廣告恭賀新禧，外界傳佢瞄準嘅係2018市長寶座；而民進黨嘉義立委李俊俋：「最大考量應該唔係『邊嗰選』，而係『邊嗰贏』，呢個先係民進黨最重要考量因素。」之後民進黨選對會定調，縣市長提名「現任」優先。

8月1號，李俊俋響facebook到證實，幾日前確實接受黨中央徵詢係唔係要參選嘉義市市長，但係佢已經當面拒絕，要繼續響立法院做國會猛將。佢直言，「目前以民進黨響嘉義市嘅情況穩定係最重要！」如果由佢參選市長，民進黨之後要立委補選、搵人接班之類嘅棘手問題。佢同時又話，市長、立委各司其職，對嘉義市來講絕對係雙贏，佢會全力協助涂醒哲競選連任。佢重話，自從涂醒哲贏出以來，有心人士為咗爭奪市長寶座不斷噉見縫插針，四圍抹黑攻擊，甚至亦將佢當埋敵人，佢同涂醒哲都啞忍，希望有人想出來選就「勇敢企出來」，唔要等選舉變做口水戰，又或者響背後指指點點，甚至操控、帶風向；佢強調，市民要嘅係具體政策論述，如果要選舉，就要攞到市民嘅認同同支持，先係王道，大家不想看到民進黨分裂，而係良性競爭，團結一心為嘉義。

中國國民黨

國民黨力圖東山再起，外界點將前市長黃敏惠、市議會議長蕭淑麗、前市長參選人陳以真、國民黨不分區立委王育敏都係可能人選，《時報周刊》針對藍營女將進行民意調查，響5月26號以「請問您支持邊嗰代表國民黨參選嘉義市長？」同埋同唔同意縣市合併民意調查同時進行，問咗七百一十一位嘉義市民，抽樣誤差係正負三點七個百分比，年齡廿歲至六十歲以上，學歷大學以上晌多佔咗四十一點五個百分比，其次係高中職。黃敏惠攞到三十三點四個百分比支持率最高，其次係陳以真十九點三個百分比，蕭淑麗十一點八個百分比，王育敏二點八個百分比，有五個百分比受訪者表示只支持民進黨候選人，另外有十六點八個百分比嘅受訪者話唔會去投票。

國民黨響上屆嘉義市長選舉輸咗，2018年希冀重新拎返執政權，前市長黃敏惠即管係卸任，仍然持續經營基層，支持者勸佢再投入市長選戰嘅聲音冇停過，同民意調查排第二嘅陳以真有明顯差距。

從選民年齡層分布發現，黃敏惠攞到普遍支持，尤其係廿歲至廿九歲最多支持率去到五成六，三十至五十九歲嘅三個世代年齡層，亦攞到四成八到四成一嘅支持率，得到支持嘅程度幾均勻，六十歲以上就攞到三成二以上支持。

至於政黨傾向支持度，黃敏惠攞到泛藍軍（國民黨、親民黨、新黨）七成五以上嘅高支持率，佢響泛綠（民進黨、台聯、時代力量）亦攞到三十個百分比以上嘅支持率，以東、西區來睇，黃敏惠攞到四成四、四成三的支持，足見佢響嘉義市深耕嘅基礎厚實。

選舉結果

2018年嘉義市市長選舉結果
號次	候選人	政黨	得票數	得票率	當選標記
1	蕭淑麗	無黨籍	25,572票	17.98%
2	黃敏惠	中國國民黨	58,558票	41.18%
3	黃宏成台灣阿成世界偉人財神總統	無黨籍	1,822票	1.28%
4	涂醒哲	民主進步黨	56,256票	39.56%
選舉日期		2018年11月24號	選舉人數	212,843人
投票率		67.91%	投票人數	有效：142,208人 　無效：2,326人