第16屆菲律賓總統選舉

出自維基百科,自由嘅百科全書
Jump to navigation Jump to search
‹ 2010 • Flag of the Philippines.svg • 2022
2016年5月9號
選舉類型 總統

政黨議席分佈圖


菲律賓總統

第16屆菲律賓總統選舉喺2016年5月9號舉行,菲律賓五千五百萬個合資格選民將會選出正、副總統,同埋一萬八千個國會議員、地方首長同議員等[1]

背景[編輯]

由於菲律賓憲法規定總統係唔可以繼續做落去,所以阿基諾三世唔可以響今屆選舉再出嚟選;而響佢在任六年入面,菲律賓年均經濟增長有百分之六,響亞洲算係名列前茅。不過,由於國內貪污問題,宗教同武裝衝突係咁發生。而外交方面,不停咁同中國爭南海主權。而外界期望新任總統可以為菲律賓帶嚟新景象[1]

候選人[編輯]

杜特地[編輯]

七十一歲,有華人血統嘅杜特地,佢揚言如果贏出,會響半年入面,消滅嗮所有貪污案。杜特地重申佢對毒品、罪犯絕對唔會手軟[2]

朝著總統寶座出發嘅達沃市長杜特地,響選舉前最後一場造勢大會就響首都馬尼拉總統就職禮嘅場地到搞,吸引咗超過三十萬人嚟[2]

達沃市長政策[編輯]

而佢一直做咗達沃市長前後超過廿二年,一直以鐵腕手法嚟打擊犯罪,號稱將達沃打造成菲律賓最安全嘅城市[2]

菲律賓特朗普[編輯]

之所以有菲律賓特朗普嘅花名,係因為佢曾經用姦殺案死者嚟講笑、又鬧過教宗方濟各,又話如果議員彈劾佢,佢會關咗國會佢,但係始終都減唔到佢受歡迎嘅程度[2]

分析又話菲律賓選民,大多數無時間研究候選人嘅政見,所以自身魅力會成為關鍵,杜特地以「滅罪硬漢」形象而唔係傳統政治家嘅形象而深入民心。不過,民意調查未必一定準,有唔少人會臨場發揮、會考慮教會嘅取態之類嘅因素,所以民意調查贏出到最後唔一定贏硬[2]

南海主權爭議[編輯]

響民意調查入面領先嘅候選人杜特地響拉票活動話,如果佢做到總統,肯同中國就南海主權爭議展開雙邊對話,尋求化解爭議,又話對同北京合作開發當地能源持開放態度。但杜特地同時強調,佢會捍衛菲律賓響南海嘅領土主張[3]

但係杜特地之前曾經話過,佢會透過菲律賓同西方國家嘅同盟關係,迫使中國接受菲律賓響南海爭議嘅立場,又話會親自揸水上電單車到同北京有主權紛爭嘅島嚟宣示菲律賓嘅主權[3]

杜特地響南海爭議立場入面同就嚟卸任嘅阿基諾三世有好大唔同。菲律賓響2014年向國際常設仲裁法院提出南海主權爭議官司,預計法庭最快響2016年5月作出裁決,而中國早就已經講明唔會接受裁決結果,不過有分析話,響今次選舉入面除咗杜特地,其餘候選人都冇明確講明點樣處理南海爭議,加上外交政策向來都唔係菲律賓選舉嘅政治主軸,所以南海主權糾紛對大選結果係冇咩影響[3]

政治獻金醜聞[編輯]

響選舉之前被揭發懷疑佢利用私人帳戶,秘密收受大約四百二十萬美元嘅政治獻金,超出佢申報金額嘅十倍。佢最初死口唔認,但後嚟又改口話係有,而呢筆錢係由市民同記者響佢兩年前嘅生日存入,佢話噉樣只能夠證明佢識咗啲有錢朋友[1]

小馬可斯[編輯]

已故前總統獨裁者馬可斯家族就成為選舉焦點之一。佢個仔小馬可斯係副總統熱門人選,而家五十八歲嘅小馬可斯響冇受過佢老豆獨裁統治嘅年輕階層入面,好受歡迎;所以外界關注小馬可斯,可唔可以贏出選舉,重新返去佢細細個長大嘅地方——總統府[2]

家族選舉[編輯]

而前第一夫人艾美黛就響冇對手之下,繼續做眾議員,佢個女亦爭取繼續做伊羅戈省長[1]

格雷絲波同羅哈斯[編輯]

阿基諾三世曾經叫過格雷絲波同羅哈斯棄保整合,嚟阻止杜特地贏出,但係兩個都唔肯退選[2]

過程[編輯]

選舉當日,全國有成萬個票站都出現咗唔少問題選票,同電子計票機失靈之類嘅情況;所以投票原定響下晝五點結束,但係部分票站要延長開放時間,而初步選舉結果,最快都要星期二凌晨先可以陸續出爐[1]

即將卸任嘅總統阿基諾三世,響打拉省等咗半個鐘,先可以入到去投票。佢用咗成十五分鐘先填好嗮啲選票[1]

而菲律賓大選五個總統候選人,到先後去票站投票,包括前內政部長羅哈斯同響民調入面排第二嘅女參議員格雷絲波;至於大熱門有「菲律賓特朗普」嘅達沃市長杜特地,就係最遲去投票嘅總統候選人[1]

結果[編輯]

[編輯]