第17屆花蓮市市長補選

第17屆花蓮市市長補選喺2016年8月27號舉行，補選當日咁啱撞正蔡英文政府上台一百日，被認為係對蔡英文嘅一次考試^[1]。

結果民進黨嘅張美慧以四千票輸咗畀國民黨嘅魏嘉賢，扭轉民進黨響呢度執政六年嘅局面^[1]。

背景

因為花蓮市市長田智宣響5月29號任內病死，依地方制度法規定，田智宣剩底任期重有兩年六個幾月，所以要響三個月內搞掂補選^[2]。

花蓮縣選委會決議，花蓮市長缺額補選訂響8月27號舉行投票，6月22號會發布選舉公告；選舉活動響8月17號至26號，每日朝早七點到夜晚十點為止^[2]。

而響選前蔡英文政府上台百日前夕，多個民意調查都話民眾對蔡英文政府嘅滿意度跌破五成。其中，中時民意調查滿意度係百分之四十一點四，比唔滿意嘅四十點四只係多出一個百分點，瀕臨唔滿意多過滿意嘅「死亡交叉」^[1]。

有國民黨黨員認為，補選結果具有重要意義。加上民進黨自五月二十號上台之後就連續響幾場鄉鎮長補選入面輸咗，評論認為今次再輸，嚴重打擊執政黨氣勢^[1]。

↑ ^1.0 ^1.1 ^1.2 ^1.3 （繁體中文）蔡英文滿意度跌破半成魏嘉賢當選花蓮市長互聯網檔案館嘅歸檔，歸檔日期2016年8月28號，.，無綫新聞，2016年8月29號。
↑ ^2.0 ^2.1 （繁體中文）花蓮市長萬榮鄉長補選 8/27投票互聯網檔案館嘅歸檔，歸檔日期2016年8月18號，.，中央通訊社，2016年6月15號。