第34屆意大利地方選舉
第34屆意大利地方選舉
| |||||||||||
|---|---|---|---|---|---|---|---|---|---|---|---|
‹ 2015 •  • 2017 ›
| |||||||||||
| 2016年6月5號 | |||||||||||
| 選舉類型 | 地方首長 地方議會議員 | ||||||||||
| 選舉制度 | 兩輪投票制 | ||||||||||
| 議席數目 | 1,343 | ||||||||||
|
|
倫齊－File:PartitoDemocratico-Logo.png民主黨 | ||||||||||
| 投票數 | 688,557 | ||||||||||
| 20.17% | |||||||||||
|
|
 五星運動黨
| ||||||||||
| 投票數 | 688,061 | ||||||||||
| 20.16% | |||||||||||
|
|
貝盧斯科尼－ 力量黨
| ||||||||||
| 投票數 | 266,773 | ||||||||||
| 7.82% | |||||||||||
第34屆意大利地方選舉響2016年6月5號舉行，有五個大城市市長選舉因為攞唔到過半數選票，所以要響6月19號舉行第二輪選舉[1][2]。
呢次選舉被人睇做對總理倫齊呢個中間偏左政府投嘅信任票[1]。
制度
[編輯]大約一千三百萬名合資格選民會投票選出地方首長同地方議會[1]。
背景
[編輯]意大利預定響今年十月就修改憲法，收緊參議院權力舉行公投，有人話係總理倫齊賭上政治前途嘅一場大型賭博。而倫齊唔認為今次地方選舉係反映民眾對政府修憲嘅不滿，重申修憲有利穩定意大利政治。佢又話唔理地方選舉結果係點，佢都唔會落台[3]。
選情
[編輯]地方首長
[編輯]羅馬
[編輯]響市長選舉入面，首都羅馬嘅選情最受關注，前市長馬里諾捲入公款私用嘅醜聞，響舊年十月辭職之後，市長呢個位吉咗成七個月咁耐。外界相信，隸屬民粹政黨五星運動嘅三十七歲拉吉有機會做到當地第一位女市長[1]。
其他城市
[編輯]而民主黨響其他城市選情都唔樂觀，除咗可能會響有「金融首都」嘅米蘭輸之外，重要響都靈同博洛尼亞都要面對艱苦挑戰[2]。
民意調查
[編輯]選前民意調查話，冇一個候選人會響首輪投票入面攞到過半數選票，要響今個月十九號嘅第二輪投票入面決一死戰[1]。
而第二輪投票嘅選前民意調查就話，預料總理倫齊領導嘅執政民主黨會輸得好慘，其中，首都羅馬市長好大機會由民粹組織五星運動贏得，令倫齊政府響下屆國會嘅選情受到威脅[2]。
政黨
[編輯]五星運動黨
[編輯]響2009年成立嘅五星運動提出舉行公投，決定意大利係未繼續留響歐元區。外界關注如果拉吉成功贏出，將會加強五星運動響下屆國會選舉嘅氣勢，唔單止威脅到倫齊政府，亦會幫到歐洲近年崛起民粹政黨嘅聲勢[1]。
結果
[編輯]意大利地方選舉，第二大黨五星運動響兩個關鍵城市羸出，其中首都羅馬市長候選人拉吉將會成為當地第一位女市長，而另一個候選人阿彭迪諾，估佢唔到響北部城市都靈贏出[3]。
執政民主黨嘅候選人響另一大城市那不勒斯市長選舉輸埋，只能夠響有「金融首都」嘅米蘭同博洛尼亞贏出。而總理倫齊講到明唔會因為民主黨選情失利而落台，又強調佢嘅修憲計劃會穩定意大利政局[3]。
分析
[編輯]有分析認為，雖然倫齊試圖淡化市長選舉嘅重要性，但係今次地方選舉嘅結果，相信會壯大五星運動黨響下屆國會選舉嘅聲勢，可能會威脅到倫齊嘅執政地位。[3]。