粉筆

彩色粉筆

粉筆（粵拼：fan2 bat1）係日常生活中好多人用嘅工具，一般用嚟寫喺黑板。佢一般係長形圓柱體，包括白同好多種除黑色意外嘅其它彩色。

起源

喺未有文字嘅原始社會之前，人類就用木炭嚟畫畫。到咗中世紀，啲人開始發現用石灰溝水，可以整成一嚿嚿嘢，跟住用類似木炭筆嘅方法，記喺深色或硬嘅表面，由於嗰時未有紙，即使有，買一沓返嚟要使好多錢。而且畫喺木板或岩石度又好易被整甩。由於經歷咗成千年，所以好難考證到邊位發明粉筆出嚟，但最早唔喺教學用。直到黑板出現咗之後先至開始廣泛應用。

材料

古代嘅粉筆成日用天然白堊整，而家大多數用其它嘢取代咗。以前市面上買嘅普通粉筆係用CaSO₄嘅白色沉澱物同水結晶（CaSO₄·2H₂O）整，由於佢係微溶物，所以顆粒重大過粉塵，吸入氣管會令鼻咽喉唔舒服，嚴重嘅可能導致肺癌。由於佢質地輕，加上散發出啲粉塵搞到周圍好邋遢，所以而家啲環保粉筆大多數用CaCO₃嚟整。

攷

• 介绍粉笔的起源与历史 新浪博客
• 粉筆 台灣Wiki
• 粉笔起源 湖北万畅笔业