緬尼吐巴

出自維基百科,自由嘅百科全書
跳去: 定向搵嘢
緬尼吐巴喺加拿大嘅位置

緬尼吐巴(Manitoba,英文發音:/ˌmænəˈtoʊbə/ ),或者叫緬尼托巴省曼尼托巴,簡稱叫緬省或者曼省,係加拿大一省,首府兼省內人口最多城市係溫尼僻(人口1,026,241),佢東北郊嘅溫尼僻湖係加拿大境內第五大湖。

緬尼吐巴原本係英屬西北地方嘅一部份,喺1870年自西北地方劃分而出並以一個獨立省嘅地位加入聯邦。緬尼吐巴原本最早係1670年建立嘅哈得遜灣公司嘅一部分,19世紀末至20世紀初,開始有大批移民嚟到定居。

緬尼吐巴嘅標誌係一隻水牛(bison),野生水牛曾一度主宰呢個省境內嘅草原地帶。今日嘅緬尼吐巴係以農業畜牧業為主,其與西邊嘅亞伯達沙斯卡寸旺兩省,經常被合稱為「草原三省」,係加國最重要嘅糧穀倉地帶。