練荻伽

練荻伽（Memi Lin，1988年—）係香港模特兒，澳門出世，2008年出道，當時傳媒叫佢做「澳門版瑤瑤」。

簡歷

練荻伽喺澳門聖羅撒女校畢業。2008年，佢參加澳門「IT代言人」模特兒選拔賽攞亞軍而入行，參加香港、澳門兩地活動。2009年，傳媒揭發過佢只係用旅客身份入境，無工作簽證，不過件事最後都拆掂。2010年佢曾經退出幕前，同朋友合資租鋪開時裝鋪頭K.W賣平價衫，逐漸發展到有十幾間分店，到2013年再復出幕前兼任模特兒工作，參加過香港動漫節等演出。