羅君兒

羅君兒（Queenie Rosita Law，1986年—）係香港一位設計師，亦係香港成衣集團Bossini（堡獅龍）創辦人羅定邦個孫女、羅家駒個女。

羅君兒2009年喺英國倫敦藝術大學畢業，主修平面設計同攝影。佢曾經到法國巴黎做插畫、攝影同平面設計工作，之後返香港繼續搞設計，幫過貿發局搞時裝表演場地設計裝飾擺設，佢近排自立門戶開咗間創意工作室。

羅君兒自己一個住西貢區飛鵝山清水灣道嘅獨立屋。2015年4月25號凌晨，佢畀6個綁匪綁架，索取2800萬港紙贖金，到4月28號，羅家喺警方安排下交贖金，羅君兒最後放返，但綁匪成功走甩，警方暫時未捉到。而羅君兒亦喺4月30號開記者會向公眾報平安，話自己精神同身體都無受到傷害。

羅君兒之後將佢嘅綁架經歷寫成一本書《歷劫生命》，喺2017年7月出版。