羅富全

出自維基百科,自由嘅百科全書
跳去: 定向搵嘢

羅富全Frankie Lor Fu Chuen1966年2月14號—),係前香港騎師,花名「型佬全」、「全哥」、「晨操教馬高手」,2017年開始做香港練馬師。佢係前香港騎師何華麟(2016/2017馬季澳門冠軍騎師)嘅姐夫,由於佢個樣同沈震軒相似,故此有「馬場沈震軒」嘅美譽。

簡歷[編輯]

羅富全係1981到82年度香港賽馬會第五屆見習騎師訓練班學員(當時係鄭棣池馬房見習生),喺1987年升做大師傅,從騎時期成績並唔突出,策過八十年代馬王「及時而出」贏過兩次。

1995年掛靴轉戰幕後由低做起,做過策騎員、馬房領班、副練等職位,曾追隨約翰摩亞(1997到1999年、2007到2013年)、黃偉烈(1999到2000年)、吳定強(2000到2001年)、文家良(2001到2007年)及蔡約翰(2013到2017年),出任佢哋馬房副練。2017-2018年度馬季,佢獲發練馬師牌照。

2017年9月3號,羅富全憑莫雷拉策騎嘅吳定強舊部「銘記心中」取得在港從練嘅首場頭馬。

屋企[編輯]

羅富全已婚,同老婆何芬生咗一仔兩女,佢個女羅芯濼擅長武術,喺2014年土耳其「第五屆世界青少年武術錦標賽」攞到女子對練金牌。

出面網頁[編輯]