美聲學派

美聲學派（Bel canto）又有人音譯做貝爾康多學派，亦有人叫做美聲唱法，意思係優美嘅歌聲。係17世紀意大利歌唱家對聲樂技巧嘅統稱，用嚟區別德國派戲劇化表情嘅作品。

美聲學派主要特點係聲音輕鬆、音域廣、有共嗚同表情細膩。

簡史

17、18世紀嗰陣，喺意大利由於教廷好重視唱歌，當時最好嘅歌手都喺晒羅馬，喺當時嚟講，做歌手唔單止待遇好，收入高，仲可以接近貴族，做上等人。

閹童歌手

内文：閹童歌手

為咗應付教廷同歌劇需要，加上識唱歌有前途，為咗保存細路仔清脆歌喉，所以當時每年都有成四千幾人去做唔人道嘅閹割手術，走去做閹童歌手(castrati)，呢個時期亦係意大利聲樂最發達嘅時期，啲閹童歌手接受最嚴格嘅聲樂訓練，都係當時最好嘅歌手，所以有好多都好紅，代表有 Caffarelli、Farinelli、Senesino、Bernacchi、Caccini、Tosi、Rubini、Mancini 等等。