老布殊

出自維基百科,自由嘅百科全書
跳去: 定向搵嘢
老布殊

喬治·靴伯特·獲加·布殊George Herbert Walker Bush,一般人都叫佢做老布殊1924年6月12號—)係前美國總統,響1989年至1993年期間出任。佢個仔喬治布殊又叫小布殊,亦都做過美國總統。

老布殊係軍人出身,曾經響二次大戰期間服過兵役,重差啲響戰事中陣亡。大戰結束之後佢返到老家,做過石油集團總裁,冇耐佢投身政壇,出任過議員等等嘅職位。其間佢曾經走到大學做過教授。到1980年美國總統列根上台之後,老布殊俾列根邀請出任美國副總統,結果一做就做咗八年。到列根落台後,佢成功當選美國總統。

老布殊任內最出名嘅政績係響波斯灣戰爭入面打勝仗。當其時伊拉克科威特,老布殊聯合咗三十幾個國家組成聯軍攻打伊拉克。結果打唔夠一年,就成功迫伊拉克撤出科威特。但因為老布殊係軍人出身,太過注重打仗忽視經濟(佢曾經話過搞經濟會令到佢好煩),結果當佢競逐連任嗰陣,就輸咗畀克林頓

由於佢同佢個仔做總統嗰陣都成日向伊拉克同其他中東國家開戰,所以唔少阿拉伯人都當佢兩仔爺係頭號恐怖份子。

出面網頁[編輯]