耶穌水上行走

出自維基百科,自由嘅百科全書

耶穌水上行走係《聖經》記載耶穌嘅神蹟之一,喺《馬太福音》、《馬可福音》同《約翰福音》都有記載。

聖經譯文[編輯]

就快天光嗰陣,耶穌喺海面上行去門徒嗰度。門徒睇見佢喺海面行,就好驚,話:「係個鬼怪!」佢哋嚇得大嗌起嚟。耶穌即刻對佢哋話:「放心!係我,唔使驚!」

——《馬太福音》14章25-27節

耶穌睇見門徒因為船逆風,搖得好辛苦。就快天光嗰陣,佢喺海面行去門徒嗰度,想要超過佢哋。但係門徒睇見佢喺海面上行,以為係鬼怪,就大嗌起嚟;因為佢哋都見到佢,都好驚。耶穌即刻對佢哋話:「放心!係我,唔使驚!」於是耶穌行去佢哋嗰度,一上船,風就停咗;佢哋個心好驚奇。因為佢哋重未明白分餅嘅事,佢哋思想遲鈍。

——《馬可福音》6章48-51節

門徒撐船,行咗大概十里,睇見耶穌喺海面上行緊去船度,佢哋就好驚。耶穌對佢哋話:「係我,唔使驚!」門徒就接佢上船,船即刻到達佢哋要去嘅地方。

——《約翰福音》6章19-21節

概覽[編輯]

門徒落到海邊,馬可福音記載耶穌先「催佢哋上船」,大概係驚佢哋俾群眾利用擁立佢為王,但係佢哋等到天黑先至上船。加利利海係個內陸湖,由於湖形狹長,又俾陸地包圍,經常會突然返起風浪。湖嘅北端只有四英里,門徒搖櫓已經行咗十幾里,已經好近終點。到咗四更天(馬太福音14:25),即係朝早三至六點,重未天光,耶穌見到門徒隻船逆風好辛苦,就喺耶穌喺海面上行去門徒隻船嗰度。門徒喺黑暗之中睇得唔不清楚,以為係傳說中嘅鬼怪邪靈,尖叫起嚟,馬太福音重記載彼得喺海上行去耶穌嗰度,因為信心唔夠而下沈,而俾耶穌救起嘅事蹟(馬太福音14:28–31)[1]

參考[編輯]

  1. (PDF). 原著 (PDF)喺2020年9月8號歸檔. 喺2020年2月22號搵到.