聲討教協

聲討教協係一個針對包括香港教育專業人員協會在內嘅香港民主派組織嘅Facebook專頁，立場係激進親中共派，而家有超過4萬4千人跟蹤。

爭議

環繞聲討教協嘅爭議，除咗同佢政治立場有關，亦涉及鼓吹暴力針對民主派支持者同埋散播假新聞。

早知同煽動七二一元朗恐怖襲擊預謀

喺2019年7月21號夜晚，港鐵元朗站發生針對反送中運動參加者嘅恐怖襲擊，但香港警察對於發動襲擊嘅黑社會人士，當時就採取寬容態度。後來有網民揭發，聲討教協嘅Facebook喺事件之前，21號下晝1至2時左右，已經出過一個Post，寫住「元朗六鄉已準備好。元朗酒樓、茶客全白衫、備戰中。元朗準備大量滕（藤）條教仔」，同後來喺元朗站發生嘅事吻合。

散播關於維吾爾族種族滅絕假新聞

中國外交部發言人華春瑩喺2021年3月26號嘅記者會上播放片段，聲稱美國退役陸軍上校、前美國國務卿鮑威爾嘅幕僚長韋加臣親口承認所謂新疆維吾爾族問題，只不過係美國對中國戰略陰謀。不過，韋加臣佢當時已經離開咗美國政府超過10年，根本唔能夠代表或者反映美國嘅政策，而且韋加臣最後其實講到自己嘅說法，只係其中一個可能，但嗰句華春瑩就冇播到出嚟。雖然係咁，聲討教協同唔少香港親中派人士同組織，都積極散播呢啲假訊息。